________________
२३६
मण्य-पदं
छत्तीसइमं अज्झयणं (जीवाजीवविभत्ती)
१८८. चम्मे उ लोमपक्खी य तइया समुग्गपक्खिया ।
विययपक्खी य बोद्धव्वा पक्खिणो य चउव्विहा ।। १८६. लोगेगदेसे ते सव्वे न सव्वत्थ वियाहिया ।
इत्तो काल विभागं तु वच्छं तेसिं चउव्विहं ।। १६०. संतइ पप्पणाईया अपज्जवसिया वि य ।
ठिइ पडुच्च साईया सपज्जवसिया वि य॥ १६१. पलिओवमस्स भागो असंखेज्जइमो भवे ।
आउट्टिई खयराणं अंतोमुहुत्तं जहनिया ॥ १६२. असंखभागो पलियस्स उक्कोसेण उ साहिओ ।
पुवकोडीपुहत्तेणं अंतोमुहुत्तं जहन्निया ।। १६३. कायठिई खहयराणं अंतरं तेसिमं भवे ।
कालं अणंतमुक्कोसं अंतोमहत्तं जहन्नयं ।। १६४. एएसि वण्णओ चेव गंधओ रसफासओ ।
'संठाणादेसओ वावि' विहाणाइ सहस्ससो।। १६५. मण्या दुविहभेया उ ते मे कित्तयओ सुण ।
संमुच्छिमा य मण्या गब्भवक्कंतिया तहा। १६६. गब्भवक्कंतिया जे उ तिविहा ते वियाहिया ।
अकम्मकम्मभूमा य अंतरद्दीवया तहा ।। १६७. 'पन्नरस तीसइ विहा'२ भेया अट्ठवीसइं ।
संखा उ कमसो तेसि इइ एसा वियाहिया ।। १६८. संमुच्छिमाण एसेव भेओ होइ आहिओ।
लोगस्स एगदेसम्मि ते सव्वे वि' वियाहिया ।। १६६. संतई पप्पणाईया अपज्जवसिया वि य ।
ठिइं पडुच्च साईया सपज्जवसिया वि य ।। २००. पलिओवमाइं तिण्णि उ उक्कोसेण वियाहिया ।
आउट्टिई मणुयाणं अंतोमुहुत्तं जहन्निया ।। २०१. पलिओवमाइं तिणि उ उक्कोसेण वियाहिया' ।
पुवकोडीपुहत्तेणं अंतोमुहुत्तं जहनिया' ।। २०२. कायट्टिई मणुयाणं अंतरं तेसिमं भवे ।
अणंतकालमुक्कोसं अंतोमुहुत्तं जहन्नयं ।। २०३. एएसिं वण्णओ चेव गंधओ रसफासओ।
_ 'संठाणादेसओ वावि विहाणाइं सहस्ससो।। १. संठाणभेयओ यावि (अ)।
४. तु साहिया (ऋ)। २. तीसं पन्नरस विहा (बृपा) ।
५. जहन्नगं (अ)। ३. य (अ);X (उ)।
६. संठाणभेयओ यावि (अ)।
Jain Education International
For Private & Personal Use Only
www.jainelibrary.org
