________________
२३१
छत्तीसइमं अज्झयणं (जीवाजीवविभत्ती)
७२. किण्हा नीला य रुहिरा य' हालिद्दा सुक्किला तहा ।
पण्डुपणगमट्टिया खरा छत्तीसईविहा ।। ७३. पुढवी य सक्करा वालुया य उवले सिला य लोणसे ।
'अयतंब-तउय' -सीसग- रुप्पसुवण्णे य वइरे य ।। ७४. हरियाले हिंगुलए मणोसिला सासगंजणपवाले ।
अब्भपडलब्भवालय बायरकाए मणिविहाणा ।। ७५. गोमेज्जए य रुयगे अंके फलिहे य लोहियक्खे य ।
मरगयमसारगल्ले भुयमोयगइंदनीले य ।। ७६. चंदणगेरुयहंसगब्भ पुलए सोगंधिए य बोद्धव्वे ।
चंदप्पहवेरुलिए जलकते सूरकते य ।। ७७. एए खरपुढवीए भेया छत्तीसमाहिया ।
एगविहमणाणना सुहुमा तत्थ वियाहिया। ७८. सुहुमा सव्वलोगम्मि लोगदेसे य बायरा ।
इत्तो कालविभागं तु तेसि वुच्छं चउव्विहं ।। ७६. संतई पप्पणाईया' अपज्जवसिया वि य ।
ठिइं पडुच्च साईया सपज्जवसिया वि य ।। ८०. बावीससहस्साई वासाणुक्कोसिया भवे ।
आउठिई पुढवीणं अंतोमुहत्तं जहनिया' । ८१. असंखकालमुक्कोसं अंतोमुहत्तं जहन्नयं ।
कायठिई पुढवीणं तं कायं तु अमुचओ ।। ८२. अणंतकालमुक्कोसं अंतो हुत्तं जहन्नयं ।
विजढंमि सए काए पुढवीजीवाण अंतरं ।। ८३. एएसि वण्णओ चेव गंधओ रसफासओ ।
संठाणादेसओ वावि विहाणाइं सहस्ससो॥ आउ-पदं ८४. दुविहा आउजीवा उ सुहुमा बायरा तहा ।
पज्जत्तमपज्जत्ता एवमेए दुहा पुणो । ८५. बायरा जे उ पज्जत्ता पंचहा ते पकित्तिया ।
सुद्धोदए य उस्से हरतणू महिया हिमे ।। ८६. एगविहमणाणत्ता सुहमा तत्थ वियाहिया ।
सहमा सव्वलोगम्मि लोगदेसे य बायरा ॥ ८७. संतइं पप्पणाईया' अपज्जवसिया वि य ।
ठिइं पडुच्च साईया सपज्जवसिया वि य ॥ १. X (अ)।
३. तणाई (अ)। २. अयंब तओ य (अ); अथ तय तम्ब ४. जहन्नगं (अ) । (उ, ऋ)।
५. "तेणाई (अ)।
Jain Education International
For Private & Personal Use Only
www.jainelibrary.org
