________________
छत्तीसइमं अज्झयणं (जीवाजीवविभत्ती)
२२७
११. एगत्तेण पुहत्तेण खंधा य परमाणणो ।
लोएगदेसे लोए य भइयव्वा ते उ खेत्तओ।। १२. संतई पप्प तेणाई' अपज्जवसिया वि य ।
ठिइं पड्डच्च साईया सपज्जवसिया वि य ॥ १३. असंखकालमुक्कोसं 'एगं समयं जहन्निया ।
अजीवाण' य रूवीणं ठिई एसा वियाहिया ॥ १४. अणंतकालमुक्कोसं एगं , समयं जहन्नयं ।
अजीवाण य रूवीण अंतरेयं वियाहियं ॥ १५. वण्णओ गंधओ चेव रसओ फासओ तहा ।
संठाणओ य विन्नेओ परिणामो तेसि पंचहा ।। १६. वण्णओ परिणया जे उ पंचहा ते पकित्तिया ।
किण्हा नीला य लोहिया हालिद्दा सुक्किला तहा ॥ १७. गंधओ परिणया जे उ विहा ते वियाहिया ।
सब्भिगंधपरिणामा ब्भिगंधा तहेव य॥ १८. रसओ परिणया जे उ पंचहा ते पकित्तिया ।
तितकडुयकसाया अंबिला महुरा तहा ॥ १६. फासओ परिणया जे उ अट्ठहा ते पकित्तिया ।
कक्खडा मउया चेव गरुया लहुया तहा ॥ २०. सीया उण्हा य निद्धा य तहा लुक्खा य आहिया।
इइ फासपरिणया एए पुग्गला समुदाहिया ॥ २१. संठाणपरिणया जे उ पंचहा ते पकित्तिया ।
परिमंडला ‘य वट्टा" तंसा चउरंसमायया । २२. वण्णओ जे भवे किण्हे भइए से उ गंधओ।
रसओ फासओ चेव भइए संठाणओ वि य॥ २३. वण्णओ जे भवे नीले भडए से उ गंधओ।
रसओ फासओ चेव भइए संठाणओ वि य ॥ २४. वण्णओ लोहिए जे उ भइए से उ गंधओ ।
रसओ फासओ. चेव भइए संठाणओ वि य ।। २५. वण्णओ पीयए जे उ भइए से उ गंधओ ।
रसओ फासओ चेव भइए संठाणओ वि य ।। २६. वण्णओ सुक्किले जे उ भइए से उ गंधओ।
रसओ फासओ चेव भइए संठाणओ वि य ॥ १. ते+अणाईतेणाई।
३. अजीवणं (उ)। २. इक्को समओ जहन्निया (उ); एगो समओ ४. वट्टा य (ऋ) ।
जहन्नयं (ऋ)।
Jain Education International
For Private & Personal Use Only
www.jainelibrary.org
