________________
२१८
उत्तरज्झयणाणि
११. सोलसविहभेएणं कम्मं तु कसायजं ।
सत्तविहं नवविहं वा कम्मं नोकसायजं ।। १२. नेरइयतिरिक्खाउ मणुस्साउ तहेव य ।
देवाउयं . चउत्थं तू' आउकम्म चउव्विहं ।। १३. नाम कम्मं तु दुविहं सुहमसुहं 'च आहियं ।
सुहस्स उ बहू भेया एमेव असुहस्स वि ।। १४. गोयं कम्मं दुविहं उच्चं नीयं च आहियं ।
उच्च अट्टविहं होइ एवं नीयं पि आहियं ।। १५. दाणे लाभे य भोगे य उवभोगे वीरिए तहा ।
पंचविहमंतरायं समासेण वियाहियं ।। १६. एयाओ मूलपयडीओ उत्तराओ य आहिया ।
पएसगं खेत्तकाले य भावं चादुत्तरं सुण ।। १७. सव्वेसि चेव कम्माण पएसग्गमणंतगं गंठियसत्ताईयं
अंतो सिद्धाण आहियं ।। १८. सव्वजीवाण कम्मं तु संगहे छद्दिसागयं ।
सव्वेसु वि पएसेसु सव्वं सव्वेण बद्धगं ।। १६. उदहोसरिनामाणं तीसई कोडिकोडिओ।
उक्कोसिया ठिई होइ अंतोमुहुत्तं जहन्निया ।। २०. आवरणिज्जाण दुण्हं पि वेयणिज्जे तहेव य । __अंतराए य कम्मम्मि ठिई एसा वियाहिया ।। २१. उदहीसरिनामाणं सत्तरि कोडिकोडिओ।
मोहणिज्जस्स उक्कोसा अंतोमुहुत्तं जहन्निया ॥ २२. तेत्तीस सागरोवमा उक्कोसेण वियाहिया।
ठिई उ आउकम्मस्स अंतोमुहुत्तं जहनिया ॥ २३. उदहीसरिनामाणं वीसई कोडिकोडिओ।
नामगोत्ताणं उक्कोसा अट्ठ मुहुत्ता जहन्निया ।। २४. सिद्धाणणंतभागो य अणुभागा हवंति उ ।
सव्वेसु वि पएसग्गं सव्वजीवेसुइच्छियं ॥ २५. तम्हा एएसि कम्माणं अणुभागे वियाणिया । एएसि संवरे चेव खवणे य जए बुहे ॥
--त्ति बेमि ॥ १, २.X (उ, ऋ)।
६. x (उ, ऋ)। ३. वियाहियं (उ, ऋ)।
७. जीवेसइच्छियं (अ, सु); जीवे अहिच्छियं ४. य (उ, ऋ)।
(स); सब जीवेसु+अइच्छियं =सव्वजीवेसु५. गण्ठियसत्ताणाइ (बपा)।
इच्छियं ।
Jain Education International
For Private & Personal Use Only
www.jainelibrary.org
