Page Text
________________
एगूणतीसइमं अज्झयणं (सम्मत्तपरक्कमे)
२०१ ६८. कोहविजएणं भंते ! जीवे किं जणयइ ? कोहविजएणं खंति जणयइ, कोहवेयणिज्ज
कम्मं न बंधइ, पुव्वबलं च निजरेइ । ६९. माणविजएणं भंते ! जीवे किं जणयइ ? माणविजएणं मद्दवं जणयइ, माणवेयणिज्ज
कम्मं न बंधइ, पुव्वबद्धं च निज्जरेइ ।। ७०. मायाविजएणं भंते ! जोवे कि जणयइ ? मायाविजएणं उज्जुभावं जणयइ, माया
वेयणिज्ज कम्मं न बंधइ, पुव्वबद्धं च निज्जरेइ । ७१. लोभविजएणं भंते ! जोवे किं जणयइ ? लोभविजएणं संतोसीभावं जणयइ, लोभ
वेयणिज्ज कम्मं न बंधइ, पुव्वबद्धं च निज्जरेइ ॥ ७२. पेज्जदोसमिच्छादसणविजएणं भंते ! जीवे कि जणयइ ? पेज्जदोस मिच्छादसण
विजएणं नाणदसणचरित्ताराहणयाए अब्भुट्टेइ। 'अट्ठविहस्स कम्मस्स कम्मगंठिविमोयणयाए" तप्पढमयाए जहाण पुवि अट्ठवीसइविहं मोहणिज्जं कम्मं उग्धाएइ, पंचविहं नाणावरणिज्जं नवविहं दंसणावरणिज्ज' पंचविहं अंतरायं एए तिन्नि वि कम्मसे जूगवं खवेइ। तओ पच्छा अणत्तरं अणतं कसिणं पडिपूण्णं निरावरणं वितिमिरं विसुद्धं लोगालोगप्पभावगं' केवलवरनाणदंसणं समुप्पाडेइ । जाव सजोगी भवइ ताव य इरियावहियं कम्मं बंधइ सुहफरिसं दुसमयठिइयं । तं पढमसमए बद्धं बिइयसमए बेइयं तइयसमए निज्जिण्णं तं बद्धं पुढें उदीरियं वेइयं
निज्जिण्णं सेयाले य अकम्मं चावि भवइ ।। ७३. अहाउयं पालइत्ता अंतोमुहुत्तद्धावसेसाउए' जोगनिरोहं करेमाणे सुहुमकिरियं
अप्पडिवाइ सुक्कज्झाणं झायमाण तप्पढमयाए 'मणजोगं निरु भइ, निरु भित्ता वइजोगं निरु भइ, निरु भित्ता आणापाणनिरोह करेइ, करेत्ता ईसि पंचरहस्सक्खरुच्चारद्धाए य णं अणगारे समुच्छिन्नकिरियं अनियट्टिसुक्कज्माणं झियायमाणे
वेयणिज्ज आउयं नामं गोत्तं च एए चत्तारि वि' कम्मसे जुगवं खवेइ॥ ७४. तओ ओरालियकम्माइं च सव्वाहिं विप्पजहणाहिं विप्पजहित्ता उज्जसेढिपत्ते
अफुसमाणगई उड्ढं एगसमएणं अविग्गहेणं तत्थ गंता सागारोवउत्ते सिज्झइ
१. अविहकम्मविमोयणाए (बृपा) । २. दंसणावरणं (उ, ऋ)। ३. लोगालोगस्सभावं (बृपा)। ४. निविण्णं (अ)। ५. अंतोमुहुत्तावसेसाउए (उ, ऋ, बृपा) ; अंतो-
मुहुत्तअद्धावसेसाए (पा) ।
६. मणजोगं निरुम्भाइ वइजोगं निरुम्भइ आणापाणुनिरोहं (ब); मणजोगं निरुम्भइ, वइजोगं निरुम्भाइ, कायजोगं निरुम्भइ आणापाण निरोहं (आ, इ)। ७. X (उ, ऋ)। ८. x (उ, ऋ)।
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |