________________
छबीसइमं अज्झयणं (सामायारी)
१८७
४२. पारियकाउस्सग्गो वंदित्ताण तओ गरु ।
'थुइमंगलं च काऊण' कालं संपडिलेहए । ४३. 'पढमं पोरिसिं सज्झायं बीयं झाणं झियायई । ___तइयाए निद्दमोक्खं तु सज्झायं तु चउत्थिए । ४४. 'पोरिसीए चउत्थीए कालं तु पडिलेहिया ।
सज्झायं तओ कुज्जा अबोहेतो असंजए"। ४५. पोरिसीए चउब्भाए 'वंदिऊण तओ गुरु" ।
पडिक्कमित्तु कालस्स कालं तु पडिलेहए । ४६. आगए कायवोस्सग्गे सव्वदुक्ख विमोक्खणे ।
काउस्सग्गं तओ कुज्जा सव्वदुक्खविमोक्खणं ॥ ४७. राइयं च अईयारं चितिज्ज अणुपुत्रसो ।
नाणंमि दसणंमी चरित्तमि तवम्मि य॥ ४८. पारियकाउस्सग्गो वंदित्ताण तओ गरु ।
राइयं तु अईयारं आलोएज्ज जहक्कम । ४६. पडिक्कमित्तु निस्सल्लो वंदित्ताण तओ गुरु ।
काउस्सग्गं तओ कुज्जा सव्वदुक्खविमोक्खणं ॥ ५०. किं तवं पडिवज्जामि एवं तत्थ विचितए ।
काउस्सग्गं तु पारित्ता वंदई य तओ गुरु । ५१. पारियकाउस्सग्गो वंदित्ताण तओ गरु ।
तवं संपडिवज्जेत्ता' करेज्ज सिद्धाण संथवं ॥ ५२. एसा सामायारी समासेण वियाहिया । जं चरित्ता बहू जीवा तिण्णा संसारसागरं ।
-ति बेमि ।।
मिक्लेव-पर्व
१. सिद्धाणं संथवं किच्चा (बपा)। २. पढमा पोरसि सज्झायं बीए झाणं झियायति ।
ततियाए निद्दमोक्खं च चउभाए च उत्थए। (बृपा)।
३. कालं तु पडिलेहित्ता अबोहितो असंजए । कुज्जा मुणी य सज्झायं सव्वदुक्ख विमोक्खणं ।।
(बपा)। ४. सेसे वंदित्तु ते गुरुं (बृपा) । ५. च पडिवज्जित्ता (म)।
Jain Education International
For Private & Personal Use Only
www.jainelibrary.org
