________________
छबीसइमं अज्मयणं (सामायारी)
१८५
१२. पढम पोरिसिं सज्झायं बीयं झाणं झियायई ।
तइयाए भिक्खारियं पुणो चउत्थीए सज्झायं ।। १३. आसाढे मासे दपया पोसे मासे चउप्पया।
चित्तासोएसु मासेसु तिपया हवइ पोरिसी ॥ १४. अंगुलं सत्तरत्तेणं पक्खेण य दुअंगुलं ।
वड्ढए हायए वावि मासेणं चउरंगुलं ।। १५. आसाढबहुलपक्खे भद्दवए कत्तिए य पोसे य ।
फग्गुणवइसाहेसु य नायव्वा' ओमरत्ताओ। १६. जेट्टामूले आसाढसावणे छहिं अंगुलेहि पडिलेहा ।
अट्टहिं बीयतियंमी तइए दस अट्टहिं चउत्थे । रत्तिचरिया-पदं १७. रत्ति पि चउरो भागे भिक्खू कुज्जा वियक्खणो ।
तओ उत्तरगुणे कुज्जा राइभाएसु चउसु वि ॥ १८. पढमं पोरिसिं सज्झायं बीयं झाणं झियायई ।
तइयाए निद्दमोक्खं तु चउत्थी भुज्जो वि सज्झायं ॥ १६. जं नेइ जया रति नक्खत्तं तंमि नहचउब्भाए ।
___संपत्ते विरमेज्जा सज्झायं पओसकालम्मि ।। पडिलेहण-पदं २०. तम्मेव य नक्खत्ते गयणचउब्भागसावसेसंमि।
वेरत्तियं पि कालं पडिलेहित्ता मणी कुज्जा।। २१. पुव्वल्लंमि चउब्भाए पडिलेहिताण भंडय ।
गुरु वंदित्तु सज्झायं कुज्जा दुक्खविमोक्खणं ।। २२. पोरिसीए चउन्माए वंदिताण तओ गुरु ।
अपडिक्कमित्ता कालस्स भायणं पडिलेहए ।। पडिलेहणविहि-पवं २३. मुहपोतियं पडिलेहिता पडिले हिज्ज गोच्छगं ।
गोच्छगलइयंगलिओ वत्थाई पडिलेहए ।। २४. उड्ढं थिरं अतुरियं पुव्वं ता वत्थमेव पडिलेहे ।
तो बिइयं पप्फोडे तइयं च पुणो पमज्जेज्जा ।। २५. अणच्चावियं अवलिय अणाणबंधि अमोसलि' चेव ।
छप्पुरिमा नव खोडा पाणीपाणविसोहणं' ॥ . आरभडा सम्मा वज्जेयव्वा य मोसली तइया ।
__पप्फोडणा चउत्थी विक्खित्ता वेइया छट्ठा ।। १. बोद्धव्वा (आ)।
४. अमोसलं (अ) ; आमोसलि (व) । २. पुणो (अ)।
५. पाणीपाणि (ब); 'पमजणं (आ, बृपा); ३. मुहपत्ति (आ, इ, उ ऋ)।
पमज्जणया (ओघनियुक्ति ४२५) ।
Jain Education International
For Private & Personal Use Only
www.jainelibrary.org
