________________
१७८
उत्तरज्झयणाणि
१०. एयाइं अट्ठ ठाणाइं परिवज्जित्तु संजए ।
असावज्जं मियं काले भासं भासेज्ज पन्नवं ।। ११. 'गवेसणाए गहणे य परिभोगेसणा य जा ।
__ आहारोवहिसे जाए एए तिन्नि विसोहए" ।। १२. उग्गमुपायणं पढमे बीए सोहेज्ज एसणं ।
परिभोयंमि चउक्कं विसोहेज जयं जई ।। १३. ओहोवहोवग्गहियं भंडगं दुविहं मुणी ।
गिव्हतो निक्खिवंतो य पउंजेज्ज इमं विहिं ।। १४. चक्खुसा पडिले हित्ता पमज्जेज्ज जयं जई ।
आइए निक्खिवे जा वा दुहओ वि समिए सया ।। १५. उच्चारं पासवणं खेलं सिंघाणजल्लियं ।
आहारं उर्वाह देहं अन्नं वावि तहाविहं ।। १६. अणावायमसंलोए अणावाए चेव होड़ लोए।
आवायमसंलोए आवाए चेय संलोए ।। १७. अणावायमसंलोए परस्सणुवघाइए ।
समे अज्झसिरे यावि अचिरकालकरं मि य ।। १८. वित्थिण्णे दूरमोगाढे नासन्ने बिलवज्जिए ।
तसपाणबीयरहिए उच्चाराईणि वोसिरे ।। १६. एयाओ पंच समिईओ समासेण वियाहिया ।
एत्तो य तओ गत्तीओ वोच्छामि अणुपुव्वसो । २०. सच्चा तहेव मोसा य सच्चामोसा तहेव य ।
चउत्थी असच्चमोसा मणगुत्ती चउन्विहा ।। २१. संरंभसमारंभे
आरंभे य तहेव य । मणं पवत्तमाणं तु नियत्तेज्ज जयं जई ।। २२. सच्चा तहेव मोसा य सच्चामोसा तहेव य ।
चउत्थी असच्चमोसा वइगुत्ती चउविहा ।। २३. संरंभसमारंभे
आरंभे य तहेव य । वयं पवत्तमाणं तु नियत्तेज्ज जयं जई ।। २४. ठाणे निसीयणे चेव तहेव य तुयट्टणे ।
उल्लंघणपल्लंघणे इंदियाण य जुंजणे ।। २५. संरभसमारंभे
आरंभम्मि तहेव य । कायं पवत्तमाणं तु नियत्तेज्ज जयं जई ।। १. गवेसणाए गहणणं परिभोगेसणाणि य । आहारमुवहिं सेज्ज एए तिन्नि विसोहिय ।।
(बृपा)।
Jain Education International
For Private & Personal Use Only
www.jainelibrary.org
