Page Text
________________
बाइसमं अज्झयणं (रहनेमिज्ज) ३७. रहनेमो अहं भद्दे ! सुरूवे ! चारुभासिणि ! ।
मम' भयाहि सुयण ! न ते पीला भविस्सई ।। ३८. एहि ता भुजिमो भोए माणुस्सं खु सुदुल्लहं ।
'भुत्तभोगा तओ" पच्छा जिणमग्गं चरिस्सिमो ।। ३६. दळूण रहनेमि तं भग्गुज्जोयपराइयं ।
राईमई असंभंता अप्पाणं संवरे तहिं ।। ४०. अह सा रायवरकन्ना सुटिया नियमव्वए ।
जाई कुलं च सोलं च रक्खमाणी तयं वए।। ४१. जइ सि रूवेण वेसमणो ललिएण नलकूबरो ।
तहा वि ते न इच्छामि जइ सि सक्खं पुरंदरो ।। [पक्खंदे जलियं जोई धूमकेउं दुरासयं ।
नेच्छंति वंतयं भोत्त कुले जाया अगंधणे ॥' ४२. धिरत्थ ते जसोकामी! जो तं जीवियकारणा ।
वंतं इच्छसि आवेळ सेयं ते मरणं भवे ॥ ४३. अहं च भोयरायस्स तं च सि अंधगवण्हिणो ।
मा कुले गंधणा होमो संजमं निहुओ चर ।। ४४. जइ तं काहिसि भावं जा जा दिच्छसि नारिओ ।
वायाविद्धो व्व हढो अट्रिअप्पा भविस्ससि ।। ४५. गोवालो भंडवालो' वा जहा तद्दव्वऽणिस्सरो ।
एवं अणिस्सरो तं पि सामण्णस्स भविस्ससि ।। [कोहं माणं निगिहित्ता मायं लोभं च सव्वसो ।
इंदियाइं बसे काउं अप्पाणं उवसंहरे ॥ ४६. तीसे सो वयणं सोच्चा संजयाए सुभासियं । ___ अंकुसेण जहा नागो धम्मे संपडिवाइओ ।। ४७. मणगुत्तो वयगुत्तो कायगत्तो जिइंदिओ।
सामण्णं निच्चलं फासे जावज्जीवं दढव्वओ ।। ४८. उग्गं तवं चरित्ताणं जाया दोण्णि वि केवली ।
सव्वं कम्म खवित्ताण सिद्धि पत्ता अणुत्तरं ।। ४६. एवं करेंति संबद्धा पंडिया पवियक्खणा । विणियटुंति भोगेसु जहा सो पुरिसोत्तमो ।।
-त्ति बेमि ॥ १. मम (बपा)।
संकेतितादर्शष्वपि नोपलभ्यते । २. भुत्तभोगी तओ (उ, ऋ); भुत्तभोगा पुणो ४. दंडपालो (बृपा)।
५. कोष्ठकवर्ती श्लोकः चूणौ वृत्तौ सर्वार्थसिद्धयां ३. कोष्ठकवर्ती श्लोकः चूणौ वृत्तौ सर्वार्थसिद्धयां सूख बोधायां च नास्ति व्याख्यातः, 'अ, इ, ऋ' सुखबोधायां च नास्ति व्याख्यातः, 'अ, इ,ऋ' संकेतितादर्शष्वपि नोपलभ्यते ।
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |