Page Text
________________
उत्तरज्झयणाणि
११. 'जहित्त संग च" महाकिलेसं महंतमोहं कसिणं भयावह' ।
परियायधम्म चभिरोयएज्जा' वयाणि सीलाणि परीसहे य । १२. अहिंस सच्चं च अतेणगं च तत्तो य 'बभं अपरिग्गहं च" ।
पडिवज्जिया पंच महत्वयाणि चरिज्ज धम्म जिणदेसियं विऊ ।। १३. सव्वेहि भूएहि दयाणुकंपी' खंतिक्खमे संजयबंभयारी।
सावज्जजोगं परिवज्जयंतो चरिज्ज भिक्खू सुसमाहिइंदिए । १४. कालेण कालं विहरेज्ज रठे बलाबलं जाणिय अप्पणो य ।
सीहो व सद्देण न संतसेज्जा वयजोग सुच्चा न असब्भमाहु ॥ १५. उवेहमाणो उ परिव्वएज्जा पियमप्पियं सव्व तितिक्खएज्जा ।
न सव्व सव्वत्थभिरोयएज्जा न यावि पूयं गरहं च संजए। १६. अणेगछंदा इह माणवेहिं जे भावओ संपगरेइ भिक्खू ।
भयभेरवा तत्थ उइंति भीमा दिव्वा मणुस्सा अदुवा तिरिच्छा ।। १७. परीसहा दुव्विसहा अणेगे सीयंति जत्था बहुकायरा नरा ।
से तत्थ पत्ते न वहिज्ज भिक्खू संगामसीसे इव नागराया ॥ १८. सीओसिणा दंसमसा य फासा आयंका विविहा फुसंति देहं ।
अकुक्कुओ" तत्थहियासएज्जार रयाई खेवेज्ज पुरेकडाइं॥ १९. पहाय रागं च तहेव दोसं मोहं च भिक्ख सययं वियक्खणो ।
मेरु व्व वाएण अकंपमाणो परीसहे आयगुत्ते सहेज्जा ॥ २०. अणुन्नए नावणए महेसी न यावि पूयं गरहं च संजए ।
स उज्जुभावं पडिवज्ज संजए निव्वाणमग्गं विरए उवेइ ।। २१. अरइर इसके पहीणसंथवे विरए आयहिए पहाणवं ।
परमट्ठपएहि चिट्ठई छिन्नसोए अममे अकिंचणे ॥ २२. विवित्तलयणाइ भएज्ज ताई" निरोवलेवाइ असंथडाइं ।
इसीहि चिण्णाइ महायसेहिं काएण फासेज्ज परीसहाई ।।
१. जहित्तु संगंथ (सु); जहित्तु सग्गंथ (ब); जहित्तु संगं च, जहाय संगं च (बृपा);
जहित्तुऽसग्गंथ (चू)। २. भयाणगं (बू, चू)। ३. च+अभिरोयएज्जा-चभिरोयएज्जा। ४. अब्बंभ परिग्गहं च (बृपा) ! ५. दयाणुकंपो (बृपा)। ६. रिठे (ऋ)।
७. उ (अ)। ८ मिह (बृ) । ६. सोपगरेइ (ब)। १०. उवेन्ति (बपा)। ११. अकक्करे (बृपा, चू)। १२. तत्थ+अहियासएज्जा तत्थहियासेज्जा । १३. रज्जाइं (उ)। १४. ताया (ऋ)।
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |