Page Text
________________
चउदसमं अज्झयणं (उसुयारिज्जं)
११. पुरोहियं त कमसोऽणुणतं' निमंतयंतं च सुए धणेणं ।
जहक्कम कामगुणेहि चेव कुमारगा ते पसमिक्ख वक्कं ।। १२. वेया अहीया न भवति ताणं भुत्ता दिया निति तमं तमेणं ।
__ जाया य पुत्ता न हवंति ताणं को णाम ते अणुमन्नेज्ज एयं । १३ खणमेत्तसोक्खा बहुकालदुक्खा पगामदुक्खा अणिगामसोक्खा ।
संसारमोक्खस्स विपक्खभूया खाणी अणत्थाण उ कामभोगा ।। १४. परिव्वयंते अणियत्तकामे अहो य राओ परितप्पमाणे ।
अन्नप्पमत्ते धणमेसमाणे पप्पोति मच्चु पुरिसे जरं च ।। १५. इमं च मे अत्थि इम च नत्थि इमं च मे किच्च इम अकिच्चं ।
तं एवमेवं लालप्पमाणं हरा हरंति त्ति कहं पमाए ?॥ १६. धणं पभूयं सह इत्थियाहिं सयणा तहा कामगुणा पगामा । ___ तवं कए तप्पइ जस्स लोगो तं सव्व साहीणमिहेव तुब्भं ।। १७. धणेण किं धम्मधुराहिगारे सयणेण वा कामगुणेहि चेव ।
समणा भविस्सामु गुणोहधारी बहिविहारा अभिगम्म भिक्खं ।। १८. जहा य अग्गी अरणीउसंतो' खीरे घयं तेल्ल महातिलेसू ।
एमेव जाया ! सरीरंसि सत्ता संमुच्छई नासइ नावचिठे। १९. नो इंदियग्गेज्म अमुत्तभावा अभुत्तभावा वि य होइ निच्चो ।
अज्झत्थहेउं निययस्स" बंधो संसारहेउं च वयंति बंधं ॥ २०. जहा वयं धम्ममजाणमाणा पावं पुरा कम्ममकासि मोहा ।
ओरुज्झमाणा परिरक्खियंता तं नेव भुज्जो वि समायरामो॥ २१. अब्भाहयंमि लोगंमि सव्वओ परिवारिए ।
'अमोहाहि पडतीहि गिहंसि न रइं लभे॥ २२. केण : अब्भाहओ लोगो ? केण वा परिवारिओ? ।
का वा अमोहा वुत्ता ? जाया ! चितावरो हुमि ।। २३. मच्चुणाऽब्भाहओ लोगो जराए परिवारिओ।
अमोहा रयणी वुत्ता एवं ताय ! वियाणह ।। २४. जा जा वच्चइ रयणी न सा पडिनियत्तई । अहम्मं
कुणमाणस्स अफला जंति राइओ ॥ २५. जा जा वच्चइ रयणी न सा पडिनियत्तई ।
धम्मं च कुणमाणस्स सफला जंति राइओ॥ १. °णिणंतं (उ)।
५. नियय+अस्स = निययस्स । २. कामगुणेसु (बृपा)।
६. अमोहायए पुतीहिं (उ)। ३. अणुमोदेज्ज (अ)।
७. गच्छइ (चू)। ४. अरणीउ+असंतो-अरणीउसंतो।
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |