________________
तेरसमं अज्झयणं (चित्तसम्भूइज्ज)
२४. चेच्चा दुपयं च चउप्पयं च खेत्तं गिहं धणधन्नं च सव्वं । ___कम्मप्पबीओ' अवसो पयाइ परं भवं सुंदर पावगं वा॥ २५. तं इक्कगं तुच्छसरीरगं से चिईगयं डहिय उ पावगेणं ।
भज्जा य पुत्ता' वि य नायओ य दायारमन्नं अणुसंकमंति ॥ २६. उवणिज्जई जीवियमप्पमायं वण्णं जरा हरइ नरस्स रायं ! ।
पंचालराया ! वयणं सुणाहि मा कासि कम्माइं महालयाई॥ २७. अहं पि जाणामि 'जहेह साहू"! जं मे तुम साहसि वक्कमेयं । ___भोगा इमे संगकरा हवंति 'जे दुज्जया" अज्जो! अम्हारिसेहिं ।। २८. हत्थिणपुरम्मि चित्ता, दळूणं नरवई महिड्ढियं । कामभोगेसु गिद्धणं नियाणमसुहं
कडं ।। २६. तस्स मे अपडिकंतस्स इमं एयारिसं फलं । ____जाणमाणो वि जं धम्म कामभोगेसु मुच्छिओ॥ ३०. नागो जहा पंकजलावसन्नो दलृ थलं नाभिसमेइ तीरं ।
एवं वयं कामगुणेसु गिद्धा न भिक्खुणो मग्गमणुव्वयामो॥ ३१. अच्चेइ कालो तूरंति राइओ न यावि भोगा पुरिसाण निच्चा ।
उविच्च भोगा पुरिसं चयंति' दुमं जहा खीणफलं व पक्खी॥ ३२. 'जइ ता सि भोगे चइउं असत्तो अज्जाइं कम्माई करेहि रायं ! ।
धम्मे ठिओ सव्वपयाणुकंपी तो होहिसि देवो इओ विउव्वी॥ ३३. न तुझ भोगे चइऊण बुद्धी गिद्धो सि आरंभपरिग्गहेसु ।
मोहं कओ एत्तिउ विप्पलावो गच्छामि रायं ! आमंतिओ सि ॥ ३४. पंचालराया वि य बंभदत्तो साहुस्स तस्स' वयणं अकाउं ।
__अणुत्तरे भुंजिय कामभोगे अणुत्तरे सो नरए पविट्ठो॥ ३५. चित्तो वि कामेहि विरत्तकामो उदग्गचारित्ततवो महेसी । अणुत्तरं संजम. पालइत्ता अणुत्तरं सिद्धिगई गओ ॥
-त्ति बेमि ॥
१. सकम्मप्पबीओ (उ); सकम्मबीओ (ऋ);
कम्मप्पबिइओ (अ). २. पुत्तो (ब)। ३. जो एत्थ सारो (बृपा, चू)। ४. अस्सिविधा (चू)।
५. जहंति (चू)। ६. जइ तंसि (उ, ऋ, बृपा); जईऽसि (चू)। ७. तस्सा (अ, आ, इ, स)। ८. उदत्त (सु, बू, चू)।
Jain Education International
For Private & Personal Use Only
www.jainelibrary.org
