________________
१२३
इक्कारसमं अज्झयणं (बहुस्सुयपूज्ज)
१२. न य पावपरिक्खेवो न य मित्तेसु कुप्पई ।
अप्पियस्सावि मित्तस्स रहे कल्लाण भासई ॥ १३. कलहडमरवज्जए बुद्धे अभिजाइए ।
हिरिमं पडिसंलोणे सुविणीए त्ति वुच्चई ।। १४. वसे गुरुकुले निच्च जोगवं उवहाणवं ।
पियंकरे पियंवाई से सिक्खं लद्धमरिहई ।। १५. जहा संखम्मि पयं 'निहियं दुहओ वि" विरायइ ।
एवं बहुस्सुए भिक्खू धम्मो कित्ती तहा सुयं ॥ १६. जहा से कंबोयाणं आइण्णे कथए सिया । __आसे जवेण पवरे एवं हवइ बहुस्सुए ।। १७. जहाइण्णसमारूढे सूरे दढपरक्कमे ।
उभओ नंदिघोसेणं एवं हवइ बहुस्सुए ।। १८. जहा करेणुपरिकिण्णे कुजरे सट्ठिहायणे ।
बलवंते अप्पडिहए एवं हवइ बहुस्सुए ।। १६. जहा से तिक्खसिंगे जायखंधे विरायई ।
वसहे जूहाहिवई एवं हवइ बहुस्सुए ॥ २०. जहा से तिक्खदाढे उदग्गे दुप्पहंसए ।
सीहे मियाण पवरे एवं हवइ बहुस्सुए ।। २१. जहा से वासुदेवे संखचक्कगथाधरे
अप्पडिहयबले जोहे एवं हवइ बहुस्सुए । २२. जहा से चाउरते चक्कवट्टी महिड्ढिए । ___चउदसरयणाहिवई एवं हवइ बहुस्सुए। २३. जहा से सहस्सक्खे वज्जपाणी पुरंदरे ।
सक्के देवाहिवई एवं हवइ बहुस्सुए। २४. जहा से तिमिरविद्धंसे उत्तिद्रुते दिवायरे ।
जलते इव तेएण एवं हवइ बहुस्सुए ।। २५. जहा से उडूवई चंदे नक्खत्तारिवारिए ।
पडिपुणे पुण्णमासीए एवं हवइ बहुस्सुए। २६. जहा से सामाइयाणं' कोट्ठागारे सुरक्खिए ।
नाणाधन्नपडिपुण्णे एवं हवइ बहुस्सुए । २७. जहा सा दुमाण पवरा जंबू नाम सुदंसणा ।
__ अणाढियस्स देवस्स एवं हवइ बहुस्सुए॥ १. णिसितं उभयतो (चू)।
२. सामाइयंगाणं (बृपा)।
Jain Education International
For Private & Personal Use Only
www.jainelibrary.org
