________________
१२०
उत्तरज्झयणाणि
१२. चरिदियकायमगइओ उक्कोसं जीवो उ संबसे ।
कालं संखिज्जसणियं समयं गोयम ! मा पमायए । १३. पंचिंदियकायमइगओ उक्कोस जीवो उ संवसे । सत्तट्ठभवग्गहणे
समयं गोयम ! मा पमायए। १४. देवे नेरइए य अइगओ उक्कोसं जीवो उ संवसे ।
इक्किक्कभवग्गहणे समयं गोयम ! मा पमायए । १५. एवं
भवसंसारे संसरइ सुहासुहेहि कम्मेहिं । जीवो प मायबहुलो समयं गोयम ! मा पमायए । १६. लद्धण वि माणुसत्तणं आरिअत्तं पुणरावि दुल्लह ।
बहवे दसुयां मिलेक्खुया समय गोयम ! मा पमायए । १७. लक्ष्ण वि आरियत्तणं अहीणपंचिदियया हु दुल्लहा ।
विगलिंदियया हु दीसई समयं गोयम ! मा पमायए । १८. अहीणपंचिदियत्तं पि से लहे उत्तमधम्मसुई हु दुल्लहा ।
कुतित्थिनिसेवए' जणे समयं गोयम ! मा पमायए। १६. लद्धण वि उत्तम सुई सद्दहणा पुणरावि दुल्लहा ।
मिच्छत्तनिसेवए जणे समयं गोयम ! मा पमायए ॥ २०. धम्म पि हु सद्दहतया दुल्लहया' काएण फासया ।
इह कामगुणेहि मुच्छिया समयं गोयम ! मा पमायए । २१. परिजरइ ते सरीरयं केसा पंडुरया हवंति ते ।
से सोयबले य हायई समयं गोयम ! मा पमायए ।। २२. परिजू रइ ते सरीरयं केसा पंडुरया हवंति ते ।
से चक्खुबले य हायई समयं गोयम ! मा पमायए ।। २३. परिजूरइ ते सरीरयं केसा पंडुरया हवंति ते ।
से घाणबले य हायई समयं गोयम ! मा पमायए । २४. परिजरइ ते सरीरयं केसा पंडूरया हवंति ते ।
से जिब्भबले य हायई समयं गोयम ! मा पमायए। २५. परिजरइ ते सरीरयं केसा पंडुरया हवंति ते ।
से फासबले य हायई समयं गोयम ! मा पमायए। २६. परिजरइ ते सरीरयं केसा पंडुरया हवंति ते ।
से सव्वबले य हायई समयं गोयम ! मा पमायए ।। २७. अरई गंडं विसूइया आयंका विविहा फुसंति ते ।
विवडइ विद्धंसह ते सरीरयं समयं गोयम ! मा पमायए॥ १. कुतित्थ (बृपा, चू)।
३. कामगुणेसु (उ, ऋ, ब); २. दुल्लहा (उ)।
(बृपा)।
कामगुणेहि
Jain Education International
For Private & Personal Use Only
www.jainelibrary.org
