________________
१०८
उत्तरज्झयणाणि
८. इहमेगे उ मन्नति अप्पच्चक्खाय पावगं । __ आयरियं विदित्ताणं सव्वदुक्खा विमुच्चई ॥ ६. भणंता अकरता य बंधमोक्खपइण्णिणो ।
वायाविरियमेत्तेण समासासेंति अप्पयं ॥ १०. न चित्ता तायए भासा कओ विज्जाणसासणं ?
विसन्ना पावकम्मेहि' बाला पंडियमाणिणो ॥ ११. जे केइ सरीरे सत्ता वण्णे रूवे य सव्वसो ।
मणसा कायवक्केणं सव्वे ते दुक्खसंभवा ।। १२. आवन्ना दीहमद्धाणं संसारंमि अणंतए ।
तम्हा सव्वदिसं पस्स अप्पमत्तो परिव्वए । १३. बहिया उड्ढमादाय नावकखे कयाइ वि ।
पुवकम्मखयट्ठाए इमं देहं समुद्धरे ॥ १४. विविच्च' कम्मुणो हेउं कालकंखो परिव्वए ।
मायं पिंडस्स पाणस्स कडं लद्धण भक्खए । १५. सन्निहिं च न कुव्वेज्जा लेवमायाए संजए ।
पक्खी पत्तं समादाय निरवेक्खो' परिव्वए । १६. एसणासमिओ लज्जू गामे अणियओ चरे ।
अप्पमत्तो पमत्तेहि पिंडवायं गवेसए । १७. 'एवं से उदाह, अणत्तरनाणी अणत्तरदंसी अणत्तरनाणदंसणधरे । 'अरहा नायपुत्ते भगवं वेसालिए वियाहिए।
-त्ति बेमि ।
१. आयारियं (बृ); आयरियं (बृपा)। २. पावकिच्चेहि (बृपा)। ३. वयसा चेव (ब, चू); कायवक्केणं (बपा) । ४. विगिंच (अ, आ, इ, उ, बृपा)।
५. निरवेक्खी (चू)। ६. एवं से उदाहु अरहा पासे पुरिसादाणीए । भगवते वेसालिए बुद्धे परिनिव्वुडे ॥
(बृपा, चूपा)
Jain Education International
For Private & Personal Use Only
www.jainelibrary.org
