________________
बीयं अज्झयणं (परीसहपविभत्ती)
८. इस्थीपरीसहे १६. संगो एस मणुस्साणं जाओ लोगंमि इथिओ ।
जस्स एया परिणाया सुकडं तस्स सामण्णं ॥ १७. एवमादाय मेहावी 'पंक भूया उ इथिओ" ।
नो ताहिं विणिहन्नेजा चरेज्जत्तगवेसए ॥ ६. चरियापरीसहे १८. एग एव' चरे लाढे अभिभूय परीसहे ।
गामे वा नगरे वावि निगमे वा रायहाणिए॥ १६. असमाणो चरे भिक्खू नेव' कुज्जा परिग्गहं ।
असंसत्तो गिहत्थेहिं अणिएओ परिव्वए । १०. निसीहियापरीसहे २०. सुसाणे सुन्नगारे वा रुक्खमूले व एगओ।
अकुक्कुओ निसीएज्जा न य वित्तासए परं । २१. तत्थ से चिट्ठमाणस्स उवसग्गाभिधारए ।
संकाभीओ न गच्छेज्जा उद्वित्ता अन्नमासणं ।। ११. सेज्जापरीसहे २२. उच्चावयाहिं सेज्जाहिं तवस्सी भिक्खु थामवं ।
नाइवेलं विहन्नेज्जा पावदिट्ठी विहन्नई ॥ २३. पइरिक्कुवस्सयं लटुं कल्लाणं अदु पावगं ।
"किमेगरायं करिस्सई एवं तत्थऽहियासए । १२. अक्कोसपरीसहे २४. अक्कोसेज्ज परो भिक्खू न तेसि पडिसंजले ।
सरिसो होइ बालाणं तम्हा भिक्खू न संजले ॥ २५. सोच्चाणं फरुसा भासा दारुणा गामकंटगा।
तुसिणीओ उवेहेज्जा न ताओ मणसीकरे ।। १३. वहपरीसहे २६. हओ न संजले भिक्खू मणं पि न पओसए ।
तितिक्खं परमं नच्चा 'भिक्खुधम्म विचिंतए'"॥ २७. समणं संजयं दंतं हणेज्जा कोइ कत्थई ।
नत्थि जीवस्स नासु त्ति एवं पेहेज्ज संजए ।
१. सुकरं (बृपा)। २. एवमाणाय (बू, चू); एवमादाय (बृपा,
चूपा)। ३. जहा एया लहुस्सगा (बृपा, चूपा)। ४. विहन्नेज्जा (अ, सु)। ५. एगे (बृपा); एगो (चूपा)। ६. नेयं (अ)। ७. अच्छमाणस्स (बृपा, चू)।
८. उवसग्गभयं भवे (बपा, चूपा)। ६. उवट्ठित्ता (उ)। १०. कि मज्झ एग रायाए (चू)। ११. धम्ममि चितए (ब); धम्मं व चितए
(बुपा)। १२. ण तं पेहे असाहुवं (ब); न य पेहे असाधुयं,
एवं पेहिज्ज संजतो (बृपा); न ता पेहे असाधुवं (चू); एवं पीहेज्ज संजए (चूपा)।
Jain Education International
For Private & Personal Use Only
www.jainelibrary.org
