________________
८८
दसवेआलियं
६. गिहिणो वेयावडियं न कुज्जा अभिवायणं वंदण पूयणं च' ।
असंकिलिट्ठोहिं समं वसेज्जा मुणी चरित्तस्स जओ न हाणी ।। १०. न या लभेज्जा निउणं सहायं गुणाहियं वा गुणओ समं वा ।
एक्को वि पावाइं विवजयंतो विहरेज्ज' कामेसु असज्जमाणो ।। ११. संवच्छरं चावि परं पमाणं बीयं' च वासं न तहिं वसेज्जा ।
सुत्तस्स मग्गेण चरेज्ज भिक्खू सुत्तस्स अत्थो जह आणवेइ ।। १२. जो पुव्वरत्तावररत्तकाले संपिक्खई अप्पगमप्पएणं ।
कि मे कडं? किं च मे किच्चसेसं? कि सक्कणिज्जं न समायरामि ? ।। १३. किं मे परो पासइ? किं व अप्पा? किं वाहं 'खलियं न विवज्जयामि ? ।
इच्चेव सम्म अणुपासमाणो" अणागयं नो पडिबंध कुज्जा ।। १४. जत्येव 'पासे कइ दुप्पउतं काएण वाया अदु माणसेणं ।
तत्थेव धीरो पडिसाहरेज्जा 'आइन्नओ खिप्पमिव'" क्खलीणं ।। १५. जस्सेरिसा जोग जिइंदियस्स धिइमओ सप्पुरिसस्स निच्चं ।
तमाहु लोए पडिबुद्धजीवी सो जीवइ संजमजीविएणं ।। १६. अप्पा" खलु सययं रक्खियन्वो सविदिएहिं सुसमाहिएहि । अरक्खिओ जाइपहं५ उवेइ सुरक्खिओ सव्वदुहाण मुच्चइ ।।
-त्ति बेमि ॥
ग्रन्थ परिमाण अनुष्टुप् श्लोक ६६४ २०१७
१. वा (क, ख, ग, घ, हाटी)। २. चरेज्ज (अचू)। ३. बितियं (अचू)। ४. रत्तअवरत्त° (अचू, जिचू) । ५. सारक्खती (अचू, जिचू)। ६. व (अचू)। ७. पस्सति (अचू, जिचू)। ८. च (क, ग, घ, जिचू)। ६. चाहं (क)।
१०. खलितो (अचू); खलितं ण (अचूपा)। ११. °पस्समाणो (अचू)। १२. पस्से कइ दुप्पणीयं (अचू); °दुप्पणीयं
(जिचू)। १३. आतिण्णो खित्त° (अचू); आइण्णओ खित्त'
(जिचू); आतिण्णो खिप्प (अचूपा, जिचूपा)। १४. अप्पा हु (क, ख, ग, घ)। १५. जाति-वधं (हं) (अचू, जिचू); जाति-पधं
(ह) (अचूपा, जिचूपा)।
Jain Education International
For Private & Personal Use Only
www.jainelibrary.org
