________________
चउत्थं अज्झयणं (छज्जीवणिया)
१६. जया पुण्णं च पावं च बंधं मोक्खं च जाणई ।
तया निविदए' भोए जे दिव्वे जे य माणसे ॥ १७. जया निविदए भोए जे दिव्वे जे य माणुसे ।
तया चयइ' संजोगं सब्भितरबाहिरं ॥ १८. जया चयइ संजोगं सब्भितरबाहिरं ।
तया मुंडे भवित्ताणं पव्वइए' अणगारियं ॥ १६. जया मुंडे भवित्ताणं पव्वइए अणगारियं ।
तया संवरमुक्किट्ठ धम्मं फासे अणुत्तरं ॥ २०. जया संवरमुक्किट्ठ धम्मं फासे अणुत्तरं ।
तया धुणइ कम्मरयं अबोहिकलुसं कडं ॥ २१. जया धुणइ कम्मरयं अबोहिकलुसं कडं ।
तया सव्वत्तगं नाणं दंसणं चाभिगच्छई । २२. जया सव्वत्तगं नाणं दसणं चाभिगच्छई।
तया लोगमलोगं च 'जिणो जाणइ केवली" ॥ २३. जया लोगमलोगं च जिणो जाणइ केवली ।
तया जोगे निरु भित्ता सेलेसिं पडिवज्जई ॥ २४. जया जोगे निरु भित्ता सेलेसि पडिवज्जई ।
तया कम्म खवित्ताणं सिद्धि गच्छइ नीरओ॥ २५. जया कम्म खवित्ताणं सिद्धि गच्छइ नीरओ ।
तया लोग मत्थयत्थो सिद्धो हवइ सासओ ।। २६. सुहसायगस्स' समणस्स सायाउलगस्स निगामसाइस्स। : उच्छोलणापहोइस्स दुलहा सुग्गइ तारिसगस्स ॥ २७. तवोगुणपहाणस्स उज्जुमइ खंतिसंजमरयस्स ।
परीसहे. जिणंतस्स सुलहा" सुग्गइ तारिसगस्स ॥ (पच्छा वि ते पयाया खिप्पं गच्छंति अमरभवणाई । जेसि पिओ तवो संजमो य खंतीय बंभचेरं च ॥")
१. णिविंदति (अचू)। २. जहति (अचू, जिचू)। ३. पव्वए (ग); पव्वाति (अचू); प्रव्रजति
(हाटी)। ४. फासइ (घ); पासे (अचूपा)। ५. सव्वत्थगं (जिचू)।
६. दो वि एते वियाणइ (जिचू) । ७. सुहसीलगस्स (अचू); सुहसायगस्स (अचूपा)। ८. साताकुलगस्स (अचू)। ६. निकाम० (अचू); ° सायस्स (जिचू) । १०. सुलभिता (अचू)। ११. ४ (अचू, जिचू, हाटी)।
Jain Education International
For Private & Personal Use Only
www.jainelibrary.org
