Page Text
________________
७८०
वण्हिदसाओ
१२. तस्स णं बलदेवस्स रण्णो रेवई नाम देवो होत्था -सूमालपाणिपाया जाव' विहरइ ॥
१३. तए णं सा रेवई देवी अण्णया कयाइ तंसि तारिसगंसि सयणिज्जंसि जाव सीहं सुमिणे पासित्ता णं पुडिबुद्धा। एवं सुमिणदंसणपरिकहणं, कलाओ जहा महाबलस्स, पण्णासओ दाओ, पण्णासं रायवरकण्णगाणं एगदिवसेणं पाणिग्गहणं, नवरं-निसढे नाम जाव' उप्पि पासाए विहरइ ।।
१४. तेणं कालेणं तेणं समएणं अरहा अरिटुनेमी आइगरे दस धणूई वण्णओ जाव समोसरिए। परिसा निग्गया॥
१५. तए णं से कण्हे वासुदेवे इमीसे कहाए लद्धढे समाणे हट्ठतुढे कोडुंबियपुरिसं सद्दावेइ, सद्दावेत्ता एवं वयासी-खिप्पामेव भो देवाणप्पिया ! सभाए सुहम्माए सामुदाणियं भेरि तालेहि ॥
१६. तए णं से कोडुंबियपुरिसे जाव' वयणं पडिसुणित्ता जेणेव सभाए सुहम्माए सामुदाणिया भेरी तेणेव उवागच्छइ, उवागच्छित्ता सामुदाणियं भेरि महया-महया सद्देणं तालेइ ॥
१७. तए णं तीसे सामुदाणियाए भेरीए महया-महया सद्देणं तालियाए समाणीए समुद्दविजयपामोक्खा दस दसारा देवीओ भाणियव्वाओ जाव" अणंगसेणापामोक्खा अणेगा गणियासहस्सा, अण्णे य बहवे राईसर जाव" सत्थवाहप्पभिइओ व्हाया 'कयबलिकम्मा कयकोउय-मंगल-पायच्छित्ता सव्वालंकारविभूसिया जहाविभवइड्ढीसक्कारसमुदएणं अप्पेगइया हयगया जाव" पुरिसवग्गुरापरिक्खित्ता जेणेव कण्हे वासुदेवे तेणेव उवागच्छंति, उवागच्छित्ता करयल •परिग्गहियं दसनहं सिरसावत्तं मत्थए अंजलि कट्ट् कण्हं वासुदेवं जएणं विजएणं वद्धावेंति ॥
१८. तए णं से कण्हे वासुदेवे कोडुबियपुरिसे एवं वयासी-खिप्पामेव भो देवाणुप्पिया ! आभिसेक्कहत्थि" कप्पेह, हय-गय-रह-पवर जोहकलियं चाउरंगिणि सेणं सण्णाहेह, ममं एयमाणत्तियं पच्चप्पिणह जाव पच्चप्पिणंति ।।
१६. तए णं से कण्हे वासुदेवे जेणेव मज्जणघरे 'तेणेव उवागच्छइ जाव पडिनिग्ग
१. ओ० सू०१५। २. पण्णासाए (क)। ३. भग० ११११३३-१६१ । ४. ना० २५।१०। ५. समुदा इयं (क); समुदाणियं (ख) । ६. भेरियं (ख)। ७. ना० ११५१३॥ ८. सामुदाइयं (क); सामुदाणियं (ख,ग)। ६. °पामोक्खाणं (क)।
१०. उ० ५।१०। ११. उ० ५।१०। १२. सं० पा० -ण्हाया जाव पायच्छित्ता। १३. ना० १।५।१५। १४. सं० पा०—करयल० । १५. अभिसेक्कं हत्थिरयणं (उ० १२१२३) । १६. सं० पा०---पवर जाव पच्चप्पिणंति । १७. सं० पा०-मज्जणघरे जाव दुरूढे । १८. ओ० सू० ६३ ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |