Page Text
________________
पढमं अज्झयणं
७७६
गयाभिरामे हंस-मिय-मयूर-कोंच-सारस-चक्कवाग-मदणसाला'-कोइलकुलोववेए तडकडग-विवर-उज्झर"-'पवात-पब्भारसिहरपउरे" अच्छरगण - देवसंघ - विज्जाहरमिहुणसंनिचिते निच्चच्छणए दसारवर-वीरपुरिस-तेल्लोक्कबलवगाणं' सोमे सुभए पियदसणे सुरूवे पासादीए दरिसणिज्जे अभिरूवे पडिरूवे ।।
६. तस्स णं रेवयगस्स पव्वयस्स अदूरसामंते, एत्थ णं नंदणवणे नामं उज्जाणे होत्था-सव्वोउय-पुप्फ - फल-समिद्धे रम्मे नंदणवणप्पगासे पासाईए° दरिसणिज्जे अभिरूवे पडिरूवे॥
७. तत्थ णं नंदणवणे उज्जाणे 'सुरप्पिए नामं५१ जक्खस्स जक्खाययणे होत्थाचिराईए जाव बहुजणो आगम्म अच्चेइ सुरप्पियं जक्खाययणं ।
८. से णं सुरप्पिए जक्खाययणे एगेणं महया वणसंडेणं सव्वओ समंता संपरिक्खित्ते जहा पुण्णभद्दे जाव" पुढविसिल्लावट्टए ।
६. तत्थ णं बारवईए नयरीए कण्हे नामं वासुदेवे राया होत्था जाव" रज्जं पसासेमाणे विहरइ ॥
१०. से णं तत्थ समुद्दविजयपामोक्खाणं दसण्हं दसाराणं, बलदेवपामोक्खाणं पंचण्हं महावीराणं, उग्गसेणपामोक्खाणं सोलसण्हं राईसाहस्सीणं", पज्जुण्णपामोक्खाणं अद्धट्टाणं कुमारकोडीणं, संबपामोक्खाणं सट्ठीए दुइंतसाहस्सीणं, वीरसेणपामोक्खाणं एक्कवीसाए वीरसाहस्सीणं, रुप्पिणिपामोक्खाणं सोलसण्हं देवीसाहस्सीणं, अणंगसेणापामोक्खाणं अणेगाणं गणियासाहस्सीणं", अण्णेसिं च बहूणं राईसर- तलवर-माइंबिय-कोडुबियइब्भ-सेट्ठि-सेणावइ-सत्थवाहप्पभिईणं वेयड्डगिरिसागरमेरागस्स दाहिणड्डभरहस्स आहेवच्च२ •पोरेवच्चं सामित्तं भट्टित्तं महत्तरगत्तं आणा-ईसर-सेणावच्चं कारेमाणे पालेमाणे विहरइ॥
११. तत्थ णं बारवईए नयरीए बलदेवे नामं राया होत्था-महयाहिमवंत-महंतमलय-महिंदसारे जाव" रज्जं पसासेमाणे विहरइ ।।
१. कुंच (ख)। २. बग (ख); काग (ग)। ३. मयण० (ग)। ४. विउरमझर (क)। ५. पवातसिहर० (क,ख,ग)। ६. दसाणपर (क)। ७. तेल्लोकवलवल गाणं (क) ८. सं० पा० ...पासादीए जाव पडिरूवे । ६. सव्वोदुय (क)। १०. सं० पा०--पुप्फ जाव दरिसणिज्जे। ११. सुरप्पियस्स (ख,ग)। १२. ओ० सू०२।
१३. उच्चेइ (क,ग)। १४. ओ० सू० ४-१३ । १५. ओ० सू० १४ । १६. विभरइ (क)। १७. राईसहस्साणं (क, ख); रायसहस्साणं (ग)। १८. अट्ठाणं (क); अट्ठाणं (ख,ग)। १६. °सहस्साणं (क); सहस्सीणं (ख)। २०. सं० पा०-- राईसर जाव सत्यवाह० । २१. दाहिणद्ध० (ख)। २२. आधेवच्चं (ख); सं० पा०...आहेवच्चं जाव
विहरइ। २३. ओ० सू०१४॥
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |