Page Text
________________
७६०
पुल्फियाओ १००. तए णं तासि सुव्वयाणं अज्जाणं एगे संघाडए वाणारसीए नयरीए उच्चनीयमज्झिमाइं कुलाई घरसमुदाणस्स भिक्खायरियाए अडमाणे भद्दस्स सत्थवाहस्स गिहं अणुपविठे ।। सुभद्दाए संताणलाभोवायपुच्छा-पदं
१०१. तए णं सा सुभद्दा सत्थवाही ताओ अज्जाओ एज्जमाणीओ पास इ, पासित्ता हतुट्टा खिप्पामेव आसणाओ अब्भुढेइ, अब्भुठेत्ता सत्तट्ठपयाई अणुगच्छइ, अणुगच्छित्ता वंदइ नमसइ, वंदित्ता नमंसित्ता विउलेणं असण-पाण-खाइम-साइमेणं पडिलाभेत्ता एवं वयासी एवं खलु अहं अज्जाओ! भद्देणं सत्थवाहेणं सद्धि विउलाइं भोगभोगाइं भुंजमाणी विहरामि, नो चेव णं अहं दारगं वा दारियं वा पयामि', तं धण्णाओ णं ताओ अम्मयाओ •जाव' सूलद्धे णं तासि अम्मयाण मणए जम्मजीवियफले'. अहं णं अधण्णा अपुण्णा अकयपुण्णा एत्तो एगमवि न पत्ता, तं तुब्भे णं अज्जाओ! बहुणायाओ बहुपढियाओं बहूणि गामागर'-*णयर-णिगम-रायहाणि-खेड-कब्बड-दोणमुह-मडंब-पट्टणासमसंबाह-सण्णिवेसाइं आहिंडह, बहूणं राईसर-तलवर - माडंबिय-कोडुंबिय-इब्भ-सेट्ठिसेणावइ-सत्थवाहप्पभिईणं गिहाई अणुपविसह, अत्थि से केइ कहिंचि विज्जापओए वा मंतप्पओए वा वमणं वा विरेयणं वा वत्थिकम्मे वा ओसहे वा भेसज्जे वा उवलद्धे, जेणं अहं दारगं वा दारियं वा पयाएज्जा? अज्जाए धम्मकहा-पदं
१०२. तए णं ताओ अज्जाओ सुभदं सत्थवाहिं एवं वयासी---अम्हे णं देवाणुप्पिए ! समणीओ निग्गंथीओ इरियासमियाओ जाव' गुत्तबंभचारिणीओ, नो खलु कप्पइ अम्हं एयमठे कण्णेहि वि निसामेत्तए, किमंग पुण उवदंसित्तए' वा समायरित्तए वा ? अम्हे णं देवाणु प्पिए ! पुणं तव विचित्तं केवलिपण्णत्तं धम्म परिकहेमो॥ सुभद्दाए धम्मपडिवत्ति-पदं
१०३. तए णं सा सुभद्दा सत्थवाही तासि अज्जाणं अंतिए धम्म सोच्चा निसम्म हट्टतुट्टा ताओ अज्जाओ तिक्खुत्तो वंदइ नमसइ, वंदित्ता नमंसित्ता एवं वयासी-सद्दहामि णं अज्जाओ! निग्गंथं पावयणं, पत्तियामि णं अज्जाओ! निग्गंथं पावयणं, रोएमि णं अज्जाओ! निग्गंथं पावयणं, एवमेयं तहमेयं अवितहमेयं जाव से जहेयं तुब्भे वयह । इच्छामि णं अहं तुब्भं अंतिए सावगधम्म पडिवज्जित्तए। अहासुहं देवाणुप्पिए ! मा पडिबंध करेहि ॥
१०४. तए णं सा सुभद्दा सत्थवाही तासिं अज्जाणं अंतिए सावगधम्म पडिवज्जइ, १. पयायामि (क्व०)।
८. उ० ३।६६ । २. सं० पा.-..--अम्मयाओ जाव एत्तो।
६. उवएसियत्तए (क)। ३. उ० ११३४ ।
१०. x (क); णं (ग); नवरं (क्व०)। ४. पू०-उ० ३१९८ ।
११. अंतियं (क)। ५. बहुसिक्खिताओ बहुपढिताओ (क) । १२. ना० २।१४।४७ । ६. सं० पा०—गामागर जाव सण्णिवेसाइं। १३. अंतियं (क); सं० पा०---अंतिए जाव ७. सं० पा०---तलवर जाव सत्थवाह० ।
पडिवज्जइ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |