Page Text
________________
चउत्थं अज्झयणं
७५६
६३. भंते ! त्ति भगवं गोयमे समणं भगवं महावीरं वंदइ नमसइ। कूडागारसाला दिद्रुतो।
६४. बहुपुत्तियाए णं भंते ! देवीए सा दिव्वा देविड्डी पुच्छा जाव' अभिसमण्णागया ? सुभद्दाए संताणपिवासा-पदं .
६५. एवं खलु गोयमा ! तेणं कालेणं तेणं समएणं वाणारसी नाम नयरी, अंबसालवणे चेइए॥ ___६६. तत्थ ण वाणारसीए नयरीए भद्दे नाम सत्थवाहे होत्था –अड्ढे जाव' अपरिभूए॥
६७. तस्स णं भद्दस्ससुभद्दा नाम भारिया--सूमाला वंझा अवियाउरी जाणकोप्परमाया यावि होत्था ॥
६८. तए णं तीसे सुभद्दाए सत्थवाहीए अण्णया कयाई पुव्वरत्तावरत्तकालसमयंसि कुडुंबजागरियं जागरमाणीए इमेयारूवे 'अज्झत्थिए चितिए पत्थिए मणोगए° संकप्पे समुप्पज्जित्था -एवं खलु अहं भद्देणं सत्थवाहेणं सद्धि विउलाई भोगभोगाइं भुजमाणी विहरामि, नो चेव णं अहं दारगं वा दारियं वा पयामि, तं धण्णाओ णं ताओ अम्मयाओ जाव सुलद्धे णं तासि अम्मयाणं 'मणुए जम्मजीवियफले", जासिं मण्णे नियगकुच्छिसंभूयगाई थणदुद्धलुद्धगाइं महुरसमुल्लावगाणि मम्मणपजंपियाणि 'थणमूला कक्खदेसभाग" अभिसरमाणाणि 'पण्हयं पियंति', पुणो य कोमलकमलोवमेहिं हत्थेहिं गिहिऊणं उच्छंगनिवेसियाणि देंति समुल्लावए सुमहुरे पुणो-पुणो मंजुलप्पभणि ए, अहं णं अधण्णा अपुण्णा अकयपुण्णा एत्तो एगमवि न पत्ता, ओहय मणसंकप्पा करयलपल्हत्थमुही अट्टज्झाणोवगया ओमंथियवयणनयणकमला दीणविवण्णवयणा° झियाइ ।। सुभद्दागिहे अज्जागमण-पदं
___EE. तेणं कालेणं तेणं समएणं सुव्वयाओ णं अज्जाओ इरियासमियाओ भासासमियाओ एसणासमियाओ आयाणभंडमत्तनिक्खेवणासमियाओ उच्चारपासवणखेलसिंघाणजल्लपारिढावणियासमियाओ मणगुत्तीओ वयगुत्तीओ कायगुत्तीओ गुत्तिदियाओ गुत्तबंभचारिणीओ बहुस्सुयाओ बहुपरियाराओ पुव्वाणुपुद्वि चरमाणीओ गामाणुगाम दुइज्जमाणीओ जेणेव वाणारसी नयरी तेणेव उवागयाओ, उवागच्छित्ता अहापडिरूवं ओग्गहं ओगिण्हित्ता संजमेणं तवसा •अप्पाणं भावेमाणीओ विहरंति ॥
१. पू०--राय० सू० १२१-१२३ । २. राय० सू० ६६७ । ३. ओ० सू० १४१ । ४. भद्दस्स य (क,ख,ग)। ५. सं० पा०-- इमेयारूवे जाव संकप्पे । ६. उ० १२३४ । ७. मणुयजम्म० (वृ)।
८. मंजुलपजंपियाणि (क,ख,ग)। ६. थणमूलकक्ख० (क,ख,ग)। १०. अतिसरमाणगाणि (क,ग)। ११. पण्हयंति (वृ)। १२. मम्मणप्प० (क,ख,ग)। १३. सं० पा०.-ओहय जाव झियाइ । १४. सं० पा०-तवसा जाव विहरति ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |