Page Text
________________
७५०
४८. तए णं तस्स सोमिलस्स माहणस्स अण्णया कयाइ पुव्वरत्तावरत्तकालसमयंसि कुडुंब जागरियं जागरमाणस्स अयमेयारूवे अज्झत्थिए ' ' चितिए पत्थिए मणोगए कप्पे समुपज्जित्था -- एवं खलु अहं वाणारसीए नयरीए सोमिले नाम माहणे अच्चतमाहणकुलप्पसूए, तए णं मए वयाई चिण्णाई, 'वेदा य" अधीया', दारा आहूया, पुत्ता जणिया, इड्डीओ समाणीताओ, पसुवधा कया, जण्णा जट्ठा, दक्खिणा दिण्णा, अतिही पूजिता, अग्गी हुता, जूवा' निक्खित्ता, तं सेयं खलु मम इयाणि कल्लं पाउप्पभायाए रयणीए जाव' उद्वियम्मि सूरे सहस्सरस्सिम्मि दिणयरे तेयसा जलते वाणारसीए नयरीए बहिया बहवे अंबारामे य 'माउलिंगारामे य बिल्लारामे य कविद्वारामे य चिंचारामे य पुप्फारामे य" रोवावित्तए - एवं संपेहेइ, संपेहेत्ता कल्लं पाउप्पभायाए रयणीए जाव उट्ठियम्मि सूरे सहस्सरस्सिम्मि दिणयरे तेयसा जलते वाणारसीए नयरीए बहिया अंबारामे य जाव पुप्फारामे य रोवावेइ ॥
४६. तए णं बहवे अंबारामा य जाव' पुप्फारामा य अणुपुव्वेणं सारक्खिज्जमाणा संगोविज्जमाणा संवडिज्जमाणा आरामा जाया - किण्हा किण्होभासा जाव" रम्मा महामेहनिकुरंबभूया पत्तिया पुष्फिया फलिया हरियगरेरिज्जमाणसिरीया अई अईव उवसोभेमाणा चिट्ठति ॥ सोमिलस्स तावसपव्वज्जा-पदं
५०. तए णं तस्स सोमिलस्स माहणस्स अण्णया कयाइ पुव्वरत्तावरत्तकालसमयंसि कुडुंबजागरियं जागरमाणस्स अयमेयारूवे अज्झत्थिए" चितिए पत्थिए मणोगए कप्पे समुपज्जित्था - एवं खलु अहं वाणारसीए नयरीए सोमिले नामं माहणे अच्चतमाहणकुलप्पसूए, तए णं मए वयाई चिण्णाइं, " वेदा य अधीया, दारा आहूया, पुत्ता जणिया, इडीओ समाणीताओ, पसुवधा कया, जण्णा जट्ठा, दक्खिणा दिण्णा, अतिही पूजिता, गहु, वा निक्खित्ता, तए णं मए वाणारसीए नयरीए बहिया बहवे अंबारामा पुप्फारामा य रोवाविया, तं सेयं खलु ममं इयाणि कल्लं पाउप्पभायाए रयणीए जाव" उट्टियम्मि सूरे सहस्सरस्सिम्मि दिणयरे तेयसा जलते सुबहु लोहकडाहकडुच्छ्रयं तंबियं" तावसभंड घडावेत्ता, विउलं असणं पाणं खाइमं साइमं उवक्खडावेत्ता, मित्तनाइ - नियग-सयण - संबंधि - परियणं आमंतेत्ता, तं मित्त-नाइ-नियग-सयण-संबंधि-परियणं
जाव
१. सं० पा० - अज्झत्थिए जाव समुप्पज्जित्था ।
२. वेदाई ( ग ) ।
३. अहिया ( ग ) ।
४. पूरिता ( क ) ।
५. जूय ( ग ) ।
६. ओ० सू० २२ ।
७. एवं माउलिंगा बिल्ला कविट्ठा चिंचा पुप्फारामा (क, ख, ग ) ।
Jain Education International
पुफियाओ
८. रोविया वित्त ( क ) ; रोवेत्तए ( ख ) । ६. उ० ३।४८ ।
१०. ओ० सू० ४ ।
११. सं० पा०
१२. सं० पा० – चिण्णाई जाव जूवा ।
१३. उ० ३।४८ ।
१४. ओ० सू० २२ ।
१५. संतियं ( ख ) ।
For Private & Personal Use Only
-अज्झत्थिए जाव समुप्पज्जित्था ।
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |