Page Text
________________
७४८
पुफियाजी
करेस्सामीतिकटु एवं संपेहेइ, संपेहेता हाए जाव' अप्पमहग्याभरणालंकियसरीरे साओ गिहाओ पडिनिक्खमति, पडिनिक्खमित्ता पायविहारचारेणं वाणारसिं नयरिं मझमज्झेणं निग्गच्छइ, निग्गच्छित्ता जेणेव अंबसालवणे चेइए जेणेव पासे अरहा पुरिसादाणीए तेणेव उवागच्छइ, उवागच्छित्ता पासस्स अरहओ पुरिसादाणियस्स अदूरसामंते ठिच्चा पास अरहं पुरिसादाणियं एवं वयासी--
३०. जत्ता ते भंते ? जवणिज्ज [ते भंते ? ] ? अव्वाबाहं [ते भंते ? ] ? फासुयविहारं [ते भंते ? ] ? सोमिला ! जत्ता वि मे, जवणिज्ज पि मे, अव्वाबाहं पि मे, फासुयविहारं पि मे ॥
३१. किं ते भंते ! जता? सोमिला ! जं मे तव-नियम-संजम-सज्झाय--झाणावस्सगमादीएसु जोगेसु जयणा । सेत्तं जत्ता॥
३२. कि ते भंते ! जवणिज्ज? सोमिला! जवणिज्जे दुविहे पण्णत्ते, तं जहा-- इंदियजवणिज्जे य नोइंदियजवणिज्जे य॥
३३. से कि तं इंदियजवणिज्जे ? इंदियजवणिज्जे-जं मे सोइंदिय-चक्खिंदियघाणिदिय-जिभिदिय-फासिदियाइं निरुवहयाइं वसे वटंति । सेत्तं इंदियजवणिज्जे ॥
३४. से कि तं नोइंदियजवणिज्जे? नोइंदियजवणिज्जे --जं मे कोह-माण-मायालोभा वोच्छिण्णा नो उदोरेंति । सेत्तं नोइंदियजवणिज्जे । सेत्तं जवणिज्जे ॥
३५. कि ते भंते ! अव्वाबाहं ? सोमिला ! जं मे वातिय-पित्तिय-संभिय-सन्निवाइया विविहा रोगायंका सरीरगया दोसा उवसंता नो उदोरेति । से तं अव्वाबाहं ॥
३६. कि ते भंते ! फासुयविहारं ? सोमिला ! जण्णं आरामेसु उज्जाणेसु देवकुलेसु सभासु पवासु इत्थी-पसु-पंडगविवज्जियासु वसहीसु फासु-एसणिज्ज पीढ-फलगसेज्जा-संथारगं उवसंपज्जित्ताणं विहरामि । सेत्तं फासुयविहारं ।।
३७. सरिसवया ते भंते ! कि भक्खेया ? अभक्खेया ? सोमिला ! सरिसवया [मे?] भक्खेया वि अभक्खेया वि ॥
३८. से केणठेणं भंते ! एवं वुच्चइ.--सरिसवया भे भक्खेया वि अभक्खेया वि ? से नणं भे सोमिला! बंभण्णएसु नएसु दुविहा सरिसवथा पण्णत्ता, तं जहा--मित्तसरिसवया य, धन्नसरिसवया य । तत्थ णं जेते भित्तसरिसवया ते तिविहा पण्णता, तं जहासहजायया, सहवड्डियया, सहपंसुकीलियया, ते णं समणाणं निग्गंथाणं अभक्खेया। तत्थ णं जेते धन्नसरिसवया ते दुविहा पण्णत्ता, तं जहा--सत्थपरिणया य असत्थपरिणया य । तत्थ णं जेते असत्थपरिणया ते णं समणाणं निग्गंथाणं अभक्खेगा। तत्थ णं जेते सत्थपरिणया ते दुविहा पण्णत्ता, तं जहा--एसणिज्जा य, अणेसणिज्जा य। तत्थ णं जेते अणेसणिज्जा ते समणाणं निग्गंथाणं अभक्खेया। तत्थ णं जेते एसणिज्जा ते विहा पण्णत्ता तं जहा....जाइया य, अजाइया य। तत्थ णं जेते अजाइया ते णं समणाणं निग्गंथाणं अभक्खेया। तत्थ णं जेते जाइया ते दुविहा पण्णत्ता, तं जहा-लद्धा य, अलद्धा य । तत्थ णं जेते अलद्धा ते णं समणाणं निग्गंथाणं अभक्खेया। तत्थ णं जेते लद्धा
१. भग०२।७।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |