Page Text
________________
पढमं अज्झयणं
७१७ सद्धि रहमुसलं संगामं ओयाए ।
१५. तए णं तीसे कालीए देवीए अण्णया कयाइ कुडुबजागरियं जागरमाणीए अयमेयारूवे अज्झथिए चितिए पत्थिए मणोगए संकप्पे' समुप्पज्जित्था एवं खलु मम पुत्ते काले कुमारे तिहिं दंतिसहस्सेहि तिहि आससहस्सेहिं तिहिं रहसहस्सेहिं तिहिं मणुयकोडीहिं गरुलव्हे एक्कारसमेणं खंडेणं कूणिएणं रण्णा सद्धि रहमुसलं संगाम ओयाए---- से मण्णे किं जइस्सइ ? नो जइस्सइ ? जीविस्सइ ? नो जीविस्सइ ? पराजिणिस्सइ ? नो पराजिणिस्सइ ? कालं णं कुमारं अहं जीवमाणं पासिज्जा ? ओहयमण संकप्पा करयलपल्हत्थमुही अट्टज्झाणोवगया ओमंथियवयणनयणकमला दीणविवण्णवयणा' झियाइ॥ भगवओ महावीरस्स समवसरण-पदं
१६. तेणं कालेणं तेणं समएणं समणे भगवं महावीरे समोसरिए। परिसा निग्गया ॥
१७. तए णं तीसे कालीए देवीए इमीसे कहाए लट्ठाए' समाणीए अयमेयारूवे अज्झत्थिए जाव' समुप्पज्जित्था एवं खलु समणे भगवं महावीरे पुव्बाणपुव्वि चरमाणे गामाणुगामं दूइज्जमाणे इहमागते जाव विहरइ, तं महाफलं खलु तहारूवाणं 'अरहंताणं भगवंताणं णामगोयस्स वि सवणयाए, किमंग पुण अभिगमण-वंदण-णमंसण-पडिपुच्छणपज्जुवासणयाए ? एगस्स वि आरियस्स धम्मियस्स सुवयणस्स सवणयाए, किमंग पुण' विउलस्स अट्ठस्स गहणयाए ? तं गच्छामि णं समणं भगवं •महावीरं वंदामि णमंसामि सक्कारेमि सम्माणेमि कल्लाणं मंगलं देवयं चेइयं पज्जुवासामि। इमं च णं एयारूवं वागरणं पुच्छिस्सामित्तिकटु एवं संपेहेइ, संपेहेत्ता कोडुंबियपुरिसे सद्दावेइ, सद्दावेत्ता एवं वयासी-खिप्पामेव भो देवाणुप्पिया ! धम्मियं जाणप्पवरं जुत्तमेव उवट्ठवेह, उवट्ठवेत्ता एयमाणत्तियं पच्चप्पिणह ॥
१८. तए णं ते कोडुंबियपुरिसा तमाणत्तियं पच्चप्पिणंति ॥
१६. तए णं सा काली देवी हाया कयबलिकम्मा •कयकोउय-मंगल-पायच्छित्ता सुद्धप्पावेसाइं मंगलाई वत्थाई पवर परिहिया अप्पमहग्घाभरणालंकियसरीरा बहूहि खुज्जाहिं जाव' महत्तरगवंदपरिक्खित्ता अंतेउराओ निग्गच्छइ, निग्गच्छित्ता जेणेव बाहिरिया उवट्ठाणसाला जेणेव धम्मिए जाणप्पवरे तेणेव उवागच्छइ, उवागच्छित्ता धम्मियं जाणप्पवरं दुरुहइ, दुरुहित्ता नियगपरियालसंपरिवुडा चंपं नयरि मज्झमझेणं निग्गच्छइ, १. सं० पा०-अज्झस्थिए जाव समुप्पज्जित्था। ७. ओ० सू० ५२ । २. सं० पा०-दंतिसहस्सेहिं जाव ओयाए। ८. सं० पा०-- तहारूवाणं जाव विउलस्स । ३. न वेत्येवम् --- वृत्तौ इति सम्बन्धयोजना ६. सं० पा० .... भगवं जाव पज्जूवासामि । __ कृतास्ति ।
१०. सं० पा०-- उववेत्ता जाव पच्चप्पिणंति । ४. सं० पा०-ओहयभण जाव झियाइ। ११. स० पा०—कयबलिकम्मा जाव अप्प० । ५. लद्धठे (क,ग)।
१२. ओ० सू० ७० । ६. उ० १११५ ।
१३. विद° (ग)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |