Page Text
________________
७१६
निरयावलियाओ पण्णत्ता, तं जहा--निरयावलियाओ कप्पडिसियाओ पुफियाओ पुप्फचूलियाओ' वण्हिदसाओ।
६. जइ णं भंते ! समणेणं भगवया महावीरेणं जाव संपत्तेणं उवंगाणं पंच वग्गा पण्णत्ता, तं जहा --निरयावलियाओ' जाव' वण्हिदसाओ। पढमस्स णं भंते ! वग्गस्स उवंगाणं निरयावलियाणं समजेणं भगवया महावीरेणं जाव' संपत्तेणं कई अज्झयणा पण्णत्ता?
७. एवं खलु जंबू ! समणेणं भगवया महावीरेणं जाव' संपत्तेणं उवंगाणं पढमस्स वग्गस्स निरयावलियाणं' दस अज्झयणा पण्णत्ता, तं जहा
काले सुकाले महाकाले, कण्हे सुकण्हे तहा महाकण्हे । वीरकण्हे य बोद्धव्वे, रामकण्हे तहेव य ॥
पिउसेणकण्हे नवमे, दसमे महासेणकण्हे उ॥ ८. जइ णं भंते ! समणेणं भगवया महावीरेणं जाव संपत्तेण उवंगाणं पढमस्स वग्गस्स निरयावलियाणं दस अज्झयणा पण्णत्ता, पढमस्स णं भंते ! अज्झयणस्स निरयावलियाणं समजेणं भगवया महावीरेणं जाव संपत्तेणं के अठे पण्णत्ते ?
६. एवं खलु जंबू ! तेणं कालेणं तेणं समएणं इहेव जंबुद्दीवे दीवे भारहे वासे चंपा नाम नयरी होत्था..-रिद्ध-स्थिमिय-समिद्धं । पूण्णभइ चेरइ ।।
१०. तत्थ णं चंपाए नयरीए सेणियस्स रण्णो पुत्ते चेल्लणाए देवीए अत्तए कणिए नाम राया होत्था महयाहिमवंत-महंत-मलय-मंदर-महिंदसारे ।
११. तस्स णं कूणियस्स रण्णो पउमावई नामं देवी होत्था--सूमालपाणिपाया जाव माणुस्सए कामभोगे पच्चणुभवमाणी विहरइ ॥ कालीए चिता-पदं
१२. तत्थ णं चंपाए नयरोए सेणियस्स रण्णो भज्जा कूणिरस्त रण्णो चुल्लमाउया काली नामं देवी होत्था - सूमालपाणिपाया जाव सुरूवा।।
१३. तीसे णं कालीए देवीए पुत्ते काले नाम कुमारे होत्था सूमालपाणिपाए जाव सुरूवे ॥
१४. तए णं से काले कुमारे अण्णया कयाइ तिहिं दंतिसहस्सेहिं तिहिं आससहस्सेहि तिहिं रहसहस्सेहिं तिहिं मणुयकोडीहिं गरुलवूहे एक्कारसमेणं खंडेणं कूणिएणं रण्णा
१. पुप्फचूलाओ (क,ग)।
६. य (क); - (ग) । २. ना० १२१७ ।
१०,११. ना० १११७ । ३. निरियावलिताओ (क)।
१२. पू....-.ओ० सू०१४ । ४. उ० १।४।
१३. ओ० सू० १५ । ५,६. ना० १।१७।
१४. ओ० सू० १५। ७. णेरयियावलिताणं (क); निरावलियाणं १५. ओ० सू० १४३ । (ग)।
१६. गरुलवूहे (ग)। ८. ४ (क,ख)।
१७. खंधणं (क)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |