________________
एगूणवीसइमं पाहुडं
६८६
रविससिगहणक्खत्ता, एवतिया आहिता मणुयलोए । जेसिं णामागोत्तं, ण पागता पण्णवेहिति ॥३॥ छावट्टि पिडगाई, चंदादिच्चाण मणुयलोयम्मि । दो चंदा दो सूरा', हुंति एक्केक्कए पिडए ॥४॥ छावढि पिडगाई, णक्खत्ताणं तु मणुयलोयम्मि । छप्पण्णं णक्खत्ता, हुंति एक्केक्कए पिडए ॥५॥ छावढेि पिडगाई, महग्गहाणं तु मणुयलोयंमि । छावत्तरं गहसयं, होइ एक्केक्कए पिडए ॥६॥ चत्तारि य पंतीओ, चंदादिच्चाण मणुयलोयम्मि । छावट्टि छावढेि, च होंति एक्किक्किया पंती ॥७॥ छप्पण्णं पंतीओ, णक्खत्ताणं तु मणुयलोयम्मि। छावट्टि छावट्टि, हवंति एक्के क्किया पंती ॥८॥ छावत्तरं गहाणं पंतिसयं हवइ मणुयलोयंमि । छावट्टि छावट्ठि, हवंति य एक्के क्किया पंती ॥६॥ ते मेरुमणचरंता, पदाहिणावत्तमंडला सव्वे। अणवट्टितेहिं जोगेहि, चैदा सूरा गहगणा य ॥१०॥ णक्खत्ततारगाणं, अवट्ठिता मंडला मुणेयव्वा। तेवि य पदाहिणावत्तमेव मेरुं अणुचरंति ॥११॥ रयणिकरदिणकराणं, उड्ढं च अहे य संकमो णत्थि । मंडलसंकमणं पण. सब्भतरबाहिरं तिरिए ॥१२॥ रयणिकरदिणकराणं, णक्खत्ताणं महग्गहाणं च । चारविसेसेण भवे, सुहदुक्ख विही मणुस्साणं ॥१३॥ तेसिं पविसंताणं, तावक्खेत्तं तु वड्डते णिययं । तेणेव कमेण पूणो, परिहायति णिक्खमंताणं ॥१४॥ तेसिं कलंबुयापुप्फसंठिता हुँति तावखेत्तपहा। अंतो य संकुडा बाहिं, वित्थडा चंदसूराणं ॥१५॥ केणं वड्डति चंदो, परिहाणी केण होति' चंदस्स । कालो वा जोण्हो' वा, केणणुभावेण चंदस्स ॥१६॥ किण्हं राहुविमाणं, णिच्चं चंदेण होइ अविरहियं । चउरंगुलमप्पत्तं, हिट्ठा चंदस्स तं चरति ॥१७॥ बाट्ठि-बावढेि, दिवसे-दिवसे तु सुक्कपक्खस्स। जं परिवड्डति चंदो, खवेइ तं चेव कालेणं ॥१८॥
१. सूरा य (ग,घ)। २. हंति (ग,घ)।
३. जुण्हो (क)।
Jain Education International
For Private & Personal Use Only
www.jainelibrary.org
