Uvangsuttani Part 05

SR No.: 003555
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 1178
Language: Prakrit
Classification: Book_Devnagari, Agam, & Canon
File Size: 22 MB

Page 765

६८८
सूरपण्णत्ती आहितेति वदेज्जा॥
२१. ता समयक्खेत्ते णं केवतिया चंदा पभाससु वा पुच्छा तहेव । ता बत्तीसं चंदसतं पभासेंसु वा पभासेंति वा पभासिस्संति वा, बत्तीसं सूरियाणं सतं तवइंसु वा तवइंति वा तवइस्संति वा, तिण्णि सहस्सा छच्च छण्णउता णवखत्तसता जोयं जोएंसु वा जोएंति वा जोइस्संति वा, एक्कारस सहस्सा छच्च सोलस महग्गहसता चारं चरिंसु वा चरेंति वा चरिस्संति वा, अट्ठासीति सतसहस्साइं चत्तालीसं च सहस्सा सत्त य सया तारागणकोडिकोडीणं सोभं सोभिंसु वा सोभेति वा सोभिस्संति वा । संगहणी गाहा-- अद्वैव सतसहस्सा, अभितरपुक्खरस्स विक्खंभो।
पणयालसयसहस्सा, माणुसखेत्तस्स विक्खंभो ॥१॥ कोडी बातालीसं', 'सहस्सा दो सता अउणपण्णासा। माणुसखेत्तपरिरओ, एमेव य पुक्खरद्धस्स ॥२॥ बावत्तरि च चंदा, बावत्तरिमेव दिणकरा दित्ता। पुक्खरवरदीवड्ढे, चरंति एते पभासेंता ॥३॥ तिण्णि सता छत्तीसा, छच्च सहस्सा महग्गहाणं तु। णक्खत्ताणं तु भवे, सोलाई दुवे सहस्साइं ॥४॥ अडयालसयसहस्सा, बावीसं खलु भवे सहस्साई । दो य सय पूक्खरद्धे, तारागणकोडिकोडीणं ॥५॥ बत्तीसं चंदसतं, बत्तीसं चेव सूरियाण सतं । सयलं माणुसलोयं, चरंति एते पभासेंता ॥६॥ एक्कारस य सहस्सा, छप्पि य सोला महग्गहाणं तु । छच्च सता छण्ण उया, णक्खत्ता तिप्णि य सहस्सा ॥७॥ 'अट्टासीतिं चत्ताइं, सयसहस्साइं मणयलोगंमि।
सत्त य सया अणूणा, तारागणकोडीकोडीणं ॥८॥ २२. एसो तारापिंडो, सव्वसमासेण मणुयलोयंमि ।
बहिया पुण ताराओ, जिणेहि भणिया असंखेज्जा ॥१॥ एवतियं तारग्गं, जं भणियं माणुसंमि लोगंमि । चारं कलंबुयापुप्फसंठितं जोइसं चरति ॥२॥
१. बादालीसा (क); एषा गाथा संक्षिप्ता
वर्तते 'बातालीसं स स्सा' एते द्वे अपि पदे केवलं संकेतं कुर्वतः । वस्तुत: 'बातालीसं सयसहस्साई तीसं सहस्साई' इति पाठो युज्यते। २. सहस्स दुसया (ग,घ)। ३. अडसीइ सय सहस्सा, चत्तालीससहस्स मणुय
लोगंमि (जी० ३१८३७ पादटिप्पणम्) । ४. अतः चन्द्रप्रज्ञप्ते: 'ट,व' संकेतितप्रत्योः भिन्ना
वाचना विद्यते -- जोतिसं गाहातो य जाव एगससिपरिवारो तारागणकोडिकोडीणं । चन्द्रप्रज्ञप्तिवृत्तावपि एष एव पाठो व्याख्यातोस्ति ।