Page Text
________________
२१.
पण्णरसमं पाहुडं
६७५ तीसं च एगट्ठिभागं मंडलस्स ।।
सेणं सरे कति मंडलाइं चरति ? ता पण्णरस मंडलाइं चरति ।। २२. ता उडुणा मासेणं णक्खत्ते कति मंडलाइं चरति ? ता पण्णरस मंडलाइं चरति पंच य बावीससतभागे मंडलस्स ॥
२३. ता आदिच्चेणं मासेणं चंदे कति मंडलाइं चरति ? ता चोद्दस मंडलाइं चरति एक्कारस य पण्णरसभागे मंडलस्स ॥
२४. ता आदिच्चेणं मासेणं सूरे कति मंडलाइं चरति ? ता पण्णरस चउभागाहिगाई मंडलाइं चरति ॥
२५. ता आदिच्चेणं मासेणं णक्खत्ते कति मंडलाइं चरति ? ता पण्ण रस चउभागाहिगाइं मंडलाइं चरति 'पंचतीसं च" वीससतभागे मंडलस्स चरति ॥
२६. ता अभिवड्डितेणं मासेणं चंदे कति मंडलाइं चरति ? ता पण्णरस मंडलाई चरति तेसीति य छलसीयसतभागे मंडलस्स ॥
२७. ता अभिवड्डितेणं मासेणं सूरे कति मंडलाइं चरति ? ता सोलस मंडलाइं चरति तिहिं भागेहिं ऊणगाइं दोहि अडयालेहि सतेहि मंडलं छेत्ता ॥
२८. ता अभिवड्डितेणं मासेणं णक्खत्ते कति मंडलाइं चरति ? ता सोलस मंडलाई चरति सीतालीसएहिं भागेहिं आहियाई चोद्दसहिं अट्ठासीएहिं सतेहिं मंडलं छेत्ता ।
२६. ता एगमेगेणं अहोरत्तेणं चंदे कति मंडलाइं चरति ? ता एगं अद्धमंडलं चरति एक्कतीसाए भागेहिं ऊणं णवहिं पण्णरसेहिं सतेहिं अद्धमंडलं छेत्ता ॥
३०. ता एगमेगेणं अहोरत्तेणं सूरे कति मंडलाइं चरति ? ता एगं अद्धमंडलं चरति ॥
३१. ता एगमेगेणं अहोरत्तेणं णक्खत्ते कति मंडलाइं चरति ? ता एगं अद्धमंडलं चरति दोहिं भागेहिं अहियं सत्तहिं देवत्तीसेहिं सतेहिं अद्धमंडलं छेत्ता ॥
३२. ता एगमेगं मंडलं चंदे कतिहि अहोरत्तेहिं चरति ? ता दोहिं अहोरत्तेहिं चरति एक्कतीसाए भागेहि अहिएहिं चउहि बातालेहि सतेहिं राइंदियं छेत्ता।
३३. ता एगमेगं मंडलं सूरे कतिहिं अहोरत्तेहिं चरति ? ता दोहिं अहोरत्तेहि चरति ॥
३४. ता एगमेगं मंडलं णक्खत्ते कतिहिं अहोरत्तेहिं चरति ? ता दोहिं अहोरत्तेहि चरति दोहिं भागेहिं ऊणेहि तिहिं सत्तसठेहि सतेहिं राइंदियं छेत्ता॥
३५. ता जुगेणं चंदे कति मंडलाइं चरति ? ता अट्ठ चुलसीते मंडलसते चरति ॥ ३६. ता जुगेणं सूरे कति मंडलाइं चरति ? ता णव पण्णरसमंडलसते चरति ।।
३७. ता जुगेणं णक्खत्ते कति मंडलाई चरति ? ता अट्ठारस पणतीसे दुभागमंडलसते चरति । इच्चेसा मुहुत्तगती रिक्खातिमास-राइंदिय-जुग-मंडलपविभत्ती सिग्घगती वत्थू आहितेति बेमि॥ १. पंच य (क,ट,व)।
(व)। २. अधियं (क,ग,घ); अहितं (ट) ।
४. रिक्खेगणमास (ट,व)। ३. सत्तठेहिं (क,ग,घ); सतठे (ट); सत्तठे ५. वदेज्जा (ट,व) ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |