Uvangsuttani Part 05

SR No.: 003555
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 1178
Language: Prakrit
Classification: Book_Devnagari, Agam, & Canon
File Size: 22 MB

Page 739

एक्कारसमं पाहुडं
१. ता कहं ते संवच्छराणादी' आहितेति वदेज्जा ? तत्थ खलु इमे पंच संवच्छरा पण्णत्ता, तं जहा-चंदे चंदे अभिवड्डिते चंदे अभिवड़िते ॥
२. ता एतेसि णं पंचण्हं संवच्छराणं पढमस्स चंदसंवच्छरस्स के आदी आहितेति वदेज्जा ? ता जे णं पंचमस्स अभिवड्डितसंवच्छरस्स पज्जवसाणे से णं पढमस्स चंदसंवच्छ रस्स आदी अणंतरपूरक्खडे समए॥ ता से णं किं पज्जवसिते आहितेति वदेज्जा ? ता जे णं दोच्चस्स चंदसंवच्छरस्स आदी से णं पढमस्स चंदसंवच्छरस्स पज्जवसाणे अणंतरपच्छाकडे समए । तं समयं च णं चंदे केणं णक्खत्तेणं जोएति ? ता उत्तराहि आसाढाहि, उत्तराणं आसाढाणं छ दूवीसं मुहुत्ता छदुवीसं च बावट्ठिभागा मुहुत्तस्स बावट्ठिभागं च सत्तद्विधा छेत्ता चउप्पण्णं चुण्णिया भागा सेसा। तं समयं च णं सूरे केणं णक्खत्तेणं जोएति ? ता पुणव्वसुणा, पुणव्वसुस्स सोलस मुहत्ता अट्ठ य बावट्ठिभागा मुहुत्तस्स बावट्ठिभागं च सत्तट्ठिहा छेत्ता वीसं चुण्णिया भागा सेसा॥
३. ता एतेसि णं पंचण्हं संवच्छराणं दोच्चस्स चंदसंवच्छरस्स के आदी आहितेति वदेज्जा? ता जे णं पढमस्स चंदसंवच्छरस्स पज्जवसाणे से णं दोच्चस्स चंदसंवच्छरस्स आदी अणंतरपुरक्खडे समए । ता से णं किं पज्जवसिते आहितेति वदेज्जा ? ता जे णं तच्चस्स अभिवहितसंवच्छरस्स आदी. से णं दोच्चस्स चंदसंवच्छ रस्स पज्जवसाणे अणंतरपच्छाकडे समए। तं समयं च णं चंदे केणं णक्खत्तेणं जोएति ? ता पुव्वाहिं आसाढाहिं, पुव्वाणं आसाढाणं सत्त मुहुत्ता तेवण्णं च बावट्ठिभागा मुहुत्तस्स बावट्ठिभागं च सत्तट्ठिधा छेत्ता इगतालीसं चुणिया भागा सेसा। तं समयं च णं सूरे केणं' णक्खत्तेणं जोएति ? ता पुणव्वसुणा, पुणव्वसुस्स णं बायालीसं मुहुत्ता पणतीसं च बावट्ठिभागा मुहुत्तस्स बावट्ठिभागं च सत्तट्ठिधा छेत्ता सत्त चुण्णिया भागा सेसा॥
४. ता एतेसि णं पंचण्हं संवच्छ राणं तच्चस्स अभिवड्डितसंवच्छरस्स के आदी आहि१. संवच्छराणाई (क); संवच्छराणाती (व)। २. के पुच्छा (ट,व)।
६६२