Uvangsuttani Part 05

SR No.: 003555
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 1178
Language: Prakrit
Classification: Book_Devnagari, Agam, & Canon
File Size: 22 MB

Page 738

दसमं पाहुडं (बावीसइमं पा०) जोयं जोएंति तंसि देसंसि ।।
१६६. ता जेणं अज्ज णक्खत्तेणं सूरे जोयं जोएति जंसि देसंसि, से णं इमाइं तिण्णि छावट्ठाइं राइंदियसयाइं उवाइणावेत्ता पुणरवि से सूरे' अण्णेणं तारिसएणं चेव णक्खत्तेणं जोयं जोएति तंसि देसंसि ॥
१६७. ता जेणं अज्ज णक्खत्तेणं सूरे जोयं जोएति तंसि देसंसि, से णं इमाई सत्तदुवतीसं राइंदियसयाइं उवाइणावेत्ता पुणरवि से सूरे तेणं चेव णक्खत्तेणं जोयं जोएति तंसि देसंसि ॥
१६८. ता जेणं अज्ज णक्खत्तेणं सूरे जोयं जोएति जंसि देसंसि, से णं इमाइं अट्ठारस वीसाइं राइंदियसयाइं उवाइणावेत्ता पुणरवि से सूरे अण्णेणं तारिस एणं चेव णक्खत्तेणं जोयं जोएति तंसि देसंसि ।।
१६९. ता जेणं अज्ज णक्खत्तेणं सूरे जोयं जोएति जंसि देसंसि, से णं इमाई छत्तीसं सट्टाई राइंदियसयाइं उवाइणावेत्ता पुणरवि से सूरे तेणं चेव णक्खत्तेणं जोयं जोएति तंसि देसंसि ॥
१७०. ता जया णं इमे चंदे गतिसमावण्णए भवइ तया' णं इयरेवि चंदे गतिसमावण्णए भवइ, जया णं इयरे चंदे गतिसमावण्णए भवइ तया णं इमेवि चंदे गतिसमावण्णा भवइ॥
१७१. ता जया णं इमे सूरिए गतिसमावण्णे भवइ तया णं इयरेवि सूरिए गतिसमावण्णे भवइ, जया णं इयरे सूरिए गतिसमावण्णे भवइ तया णं इमेवि सुरिए गतिसमावण्णे भवइ । एवं गहेवि णक्खत्तेवि ।।
१७२. ता जया णं इमे चंदे जुत्ते जोगेणं भवइ तया णं इयरेवि चंदे जुत्ते जोगेणं भवइ, जया णं इयरे चंदे जुत्ते जोगेणं भवइ तया णं इमेवि चंदे जुत्ते जोगेणं भवइ। ‘एवं सूरेवि गहेवि णक्खत्तेवि ॥
१७३. सयावि णं चंदा जुत्ता जोगेहि सयावि णं सूरा जुत्ता जोगेहि, सयावि णं गहा जुत्ता जोगेहिं, सयावि णं णक्खत्ता जुत्ता जोगेहिं । दुहतोवि णं चंदा जुत्ता जोगेहि, दुहतोवि णं सूरा जुत्ता जोगेहि, दुहतोवि णं गहा जुत्ता जोगेहि, दुहतोवि णं णक्खत्ता जुत्ता जोगेहिं। मंडलं सयसहस्सेणं अट्ठाणउयाए सएहि छेत्ता। इच्चेस णक्खत्ते खेत्तपरिभागे णक्खत्तविजए पाहुडे आहितेत्ति बेमि ।।
१. सूरिए (क,ग,घ,ट)। २. सत्तदुबत्तीसं (क); सत्तदुवत्तीसं (ग,घ); __सत्तदूवत्तीसं (ट); सत्तदुपतीसा (व) । ३. ४ (ग,घ)। ४. जता (ग,घ)।
५. तता (ग,घ)। ६. जहा चंदे एवं सूरेवि गहे णवत्ते भाणितब्बे
(ब)। ७. सतावि (क,ग,घ,व); सदावि (ट)। ८. पाहुडेति (ग,घ,ट)।