Page Text
________________
दसमं पाहुडं (वीसइमं पा०)
गाहा- अभिणंदे सुपइठे य, विजए पीतिवद्धण ।
सेज्जंसे य सिवे यावि, 'सिसिरेवि य हेमवं" ॥१॥ णवमे वसंतमासे, दसमे कुसुमसंभवे । एकादसमे णिदाहे, वणविरोही य बारसे ॥२॥
वीसइम पाहुडपाहुडं १२५. ता कति णं संवच्छरा आहिताति वदेज्जा ? ता पंच संवच्छरा आहिताति वदेज्जा, तं जहाणक्खत्तसंवच्छरे जुगसंवच्छरे पमाणसंवच्छरे लक्खणसंवच्छरे सणिच्छरसंवच्छरे ॥
१२६. ता णक्खत्तसंवच्छरे णं कतिविहे पण्णत्ते ? ता णक्खत्तसंवच्छरे णं दुवालसविहे पण्णत्ते, तं जहा-सावणे भद्दवए जाव' आसाढे । जं वा बहस्सतीमहग्गहे दुवालसहि संवच्छरेहि सव्वं णक्खत्तमंडलं समाणेति ।।
१२७. ता जुगसंवच्छरे णं पंचविहे पण्णत्ते, तं जहा-चंदे चंदे अभिवड्डिए चंदे अभिवड्डिए चेव । ता पढमस्स णं चंदसंवच्छरस्स चउव्वीसं पव्वा पण्णत्ता। दोच्चस्स णं चंदसंवच्छरस्स चउव्वीसं पव्वा पण्णत्ता, तच्चस्स णं अभिवड्डियसंवच्छरस्स छव्वीसं पव्वा पण्णत्ता । चउत्थस्स णं चंदसंवच्छरस्स चउव्वीसं पव्वा पण्णत्ता। पंचमस्स णं अभिवडियसंवच्छरस्स छव्वीसं पव्वा पण्णत्ता । एवामेव सपुवावरेणं पंचसंवच्छरिए जुगे एगे चउवीसे पव्वसते भवतीति मक्खायं॥
१२८. ता पमाणसंवच्छरे णं पंचविहे पण्णत्ते, तं जहा----णक्खत्ते चंदे उडू आइच्चे अभिवड्डिते ॥
१२६. ता लक्खणसंवच्छरे णं पंचविहे पण्णत्ते, तं जहा---'णक्खत्ते चंदे उड़ आइच्चे अभिवड़िते । ता णक्खत्तसंवच्छरे पंचविहे पण्णत्ते, तं जहा" गाहा
समगं णक्खत्ता जोयं, जोएंति समगं उडू परिणमंति । णच्चुण्हं णातिसीते, बहूदओ होति णक्खत्ते ॥१॥
१. आभिणादिते (क); अभिणदे (ग,घ);
आभिणंदे (ट); आभिणादिता (व); द्रष्टव्यं जम्बूद्वीपप्रज्ञप्ते. ७।११४ सूत्रस्य पाद
टिप्पणम् । २. सुपइट्ठिते (क); सुपइट्ठिय (ग,घ);
पतिट्ठो (व)। ३. सिसिरे य सहेमवं (क,व, जं० ७११४) । ४. सू० १०११२४ । ५. समक्खातं (ग,घ)। ६. क (ट,व)।
७. ताणक्खत्ते णं संवच्छरे पंचविहे पण्णत्ते तं
जहा (क); णखत्ते चंदे उदू आइच्चे अभिवद्भिते। ता णक्खत्ते णं संवच्छरे पंचविहे पण्णत्ते (ग,घ); नक्खत्ते चंदे उदू आइच्चे अभिवड्ढिते । ता नक्खत्तसंवच्छ रस्स पंचविहं लक्खणं पण्णत्तं तं (ट); ~ (व); स्थानाङ्गे (५२२१३) जंबूद्वीपप्रज्ञप्तौ (७१११२) च चिह्नाङ्कितः पाठो नोपलभ्यते । ८. उऊ (ट,व)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |