Page Text
________________
पढम पाहुडं (अट्ठमं पा०)
६०६
मंडलवता अडतालीसं एगट्ठिभागे जोयणस्स बाहल्लेणं, एगं जोयणसयसहस्सं छच्च अडयाले जोयणसए बावण्णं च एगट्ठिभागे जोयणस्स आयाम-विक्खंभेणं, तिण्णि जोयणसयसहस्साई अट्ठारस सहस्साइं दोण्णि य अउणासीते जोयणसए परिक्खेवेणं, दिवसराई तहेव । एवं खलु एतेणुवाएणं पविसमाणे सूरिए तयाणंतराओ तयाणंतरं मंडलाओ मंडलं संकममाणेसंकममाणे पंच-पंच जोयणाई पणतीसं च एगट्ठिभागे जोयणस्स एगमेगे मंडले विक्खंभवyि निवुड्ढे माणे-निवुड्ढेमाणे अट्ठारस जोयणाई परिरयवुड्डि निवुड्ढेमाणे-निवुड्ढेमाणे सव्वभंतरं मंडलं उवसंकमित्ता चारं चरइ, ता जया णं सूरिए सव्वब्भंतरं मंडलं उवसंकमित्ता चारं चरइ, तया णं सा मंडलवता अडतालीसं एगट्ठिभागे जोयणस्स बाहल्लेणं, नवणउति जोयणसहस्साइं छच्च चत्ताले जोयणसए आयाम-विक्खंभेणं, तिणि जोयणसयसहस्साइं पण्णरस य सहस्साइं अउणाउति' च जोयणाइं किंचिविसेसाहियाइं परिक्खेवेणं, तया णं उत्तमकट्टपत्ते उक्कोसए अट्ठारसमुहुत्ते दिवसे भवइ, जहणिया दुवालसमुहुत्ता राती भवति । एस णं दोच्चे छम्मासे एस णं दोच्चस्स छम्मासस्स पज्जवसाणे । एस णं आदिच्चे संवच्छरे, एस णं आदिच्चस्स संवच्छरस्स पज्जवसाणे। ता सव्वावि णं मंडलवता अडतालीसं एगट्ठिभागे जोयणस्स बाहल्लेणं, सव्वावि णं मंडलंतरिया दो जोयणाई विक्खंभेणं, एस णं अद्धा तेसीयसयपडुप्पण्णो पंचदसुत्तरे जोयणसए आहिताति वएज्जा ॥
२८. ता अभिंतराओ मंडलवताओ बाहिरा मंडलवता, बाहिराओ वा मंडलवताओ अभिंतरा मंडलवता, एस णं अद्धा केवतियं आहितेति वएज्जा? ता पंचदसत्तरे जोयणसए आहितेति वएज्जा ॥
२६. अभिंतराए मंडलवताए बाहिरा मंडलवता, बाहिराए वा मंडलवताए अभिंतरा मंडलवता, एस णं अद्धा केवतियं आहितेति वएज्जा ? ता पंचदसुत्तरे जोयणसए अडतालीसं च एगट्टिभागे जोयणस्स आहितेति वएज्जा ।।।
३०. ता अभंतराओ मंडलवताओ बाहिरा मंडलवता, बाहिराओ वा मंडलवताओ अभंतरा मंडलवता, एस णं अद्धा केवतियं आहितेति वएज्जा ? ता पंचणवत्तरे जोयणसए तेरस य एगट्ठिभागे जोयणस्स आहितेति वएज्जा॥
३१. ता अभिंतराए मंडलवताए बाहिरा मंडलवता, बाहिराए वा मंडलवताए अभिंतरा मंडलवता, एस णं अद्धा केवतियं आहितेति वएज्जा ? ता पंचदसुत्तरे जोयणसए आहितेति वएज्जा॥
१.ते चैवम्-तया णं अट्ठारसमुहत्ता राई भवइ
चउहि एगट्ठिभागमुहुत्तेहिं ऊणा, दुवालस- महत्ते दिवसे भवइ चउहि एगठ्ठिभागमुहुतेहि अहिए (सूव)।
२. अट्ठारस किंचूणाई (क)। ३. अउणाणउति (क,ट,व) । ४. चन्द्रप्रज्ञप्यादर्शयोः सूत्रचतुष्कस्य (११२६-३२)
पाठो भिन्नोस्ति । द्रष्टव्यं परिशिष्टम् ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |