________________
पढम पाहुडं (पढम पा०)
कहिं पडिहया लेसा ? कहं ते ओयसंठिती ? के सूरियं वरयंती ? कहं ते उदयसंठिती ? ॥२॥ कतिकट्ठा पोरिसिच्छाया? जोगे किं ते आहिए ? के ते संवच्छराणादी? कइ संवच्छराइ य ॥३॥ कहं चंदमसो वुड्डी ? कया ते दोसिणा बहू ? के सिग्घगई वुत्ते ? कह दोसिणलक्खणं? ॥४॥ चयणोववाते ? उच्चत्ते ? सूरिया कति आहिया ?
अणुभावे के व से वुत्ते ? एवमेयाइं वीसई ॥५॥ पढमे पाहुडे पाहुडपाहुड-पडिवत्तिसंखा-पदं
वड्डोवुड्डी मुहत्ताणमद्धमंडलसंठिई। के ते चिण्णं परियरइ ? अंतरं किं चरंति य ? ॥१॥ ओगाहइ केवइयं ? केवइयं च विकंपइ? मंडलाण य संठाणे, विक्खंभो अट्ठ पाहुडा ॥२॥ छप्पंच य सत्तेव य, अट्ठ य तिण्णि य हवंति पडिवत्ती।
पढमस्स पाहुडस्स उ, हवंति एयाओ पडिवत्ती ॥३॥ दोच्चे पाहुडे पाहुडपाहुड-पडिवत्तिसंखा-पदं
पडिवत्तीओ उदए, तह' अत्थमणेसु य । भेयघाए कण्णकला, मुहुत्ताण गईइ य ॥१॥ निक्खममाणे सिग्घगई, पविसंते मंदगईइ य । चूलसीइसयं पुरिसाणं 'तेसिं च" पडिवत्तीओ ॥२॥ उदयम्मि अट्ठ भणिया, भेयघाए' दुवे य पडिवत्ती।
चत्तारि मुहुत्तगईए', हुंति तइयम्मि पडिवत्ती॥३॥ वसमे पाहुडे पाहुडपाहुड संखा-पदं
आवलिय मुहुत्तग्गे, एवंभागा य जोगसा। कुलाई पुण्णमासी य, सण्णिवाए य संठिई ॥१॥ तारगग्गं च णेया य, चंदमग्गत्ति यावरे। देवताण य अज्झयणे° मुहुत्ताण नामयाइ" य ॥२॥
१. कधं (ग,घ)। २. कतियं (ख)। ३. तधा (ख); तहा (ग,घ) । ४. तेसि व णं (ग,घ)। ५. भेदग्घाए (सूवृ)। ६. मुहुत्तारिमुहुत्तगतीए (ग,घ) ।
७. वितिआइ (ख); वित्तायाए (ग,घ)। ८. तारग्गं (ख); तारसं (ग,घ) । ९.देवाण (ख)। १०. अज्झयणा (ख,ग,घ)। ११. नामधेज्जाइं (ग,घ) ।
Jain Education International
For Private & Personal Use Only
www.jainelibrary.org
