Page Text
________________
सत्तमो धक्खारो
५७६
१५६. वासाणं भंते ! चउत्थं मासं कइ णक्खत्ता णेति ? गोयमा! तिण्णि, तं जहाअस्सिणी भरणी कत्तिया । अस्सिणी च उद्दस । भरणी पप्णरस । कत्तिया एगं। तंसि च णं मासंसि सोलसंगुलपोरिसीए छायाए सूरिए अणुपरियट्टइ। तस्स णं मासस्स चरिमे दिवसे तिण्णि पयाइं चत्तारि य अंगुलाई पोरिसी भवइ ।
१६०. हेमंताणं भंते ! पढमं मासं कइ णक्खत्ता णेति ? गोयमा ! तिण्णि, तं जहा–कत्तिया रोहिणी मिगसिर । कत्तिया चउद्दस । रोहिणी पण्णरस । मिगसिरं ए अहोरत्तं णेइ । तंसि च णं मासंसि वीसंगुलपोरिसीए छायाए सूरिए अणुपरिवट्टइ । तस्स णं मासस्स जेसे चरिमे दिवसे तंसि च णं दिवसंसि तिण्णि पयाइं अट्ठ य अंगुलाई पोरिसी भवइ॥
१६१. हेमंताणं भंते ! दोच्चं मासं कइ णक्खत्ता ऐति ? गोयमा ! चत्तारि णक्खत्ता ऐति, तं जहा-मिगसिरं अद्दा पुणव्वसू पुस्सो। मिगसिरं चउद्दस राइंदियाई णेइ । अद्दा अट्ठ णेइ । पुणव्वसू सत्त राइंदियाइं । पुस्सो एगं राइंदियं णेइ। तया णं चउव्वीसंगुलपोरिसीए छायाए सूरिए अणुपरियट्टइ । तस्स णं मासस्स जेसे चरिमे दिवसे तंसि च णं दिवसंसि लेहटाइं चत्तारि पयाई पोरिसी भवइ॥
१६२. हेमंताणं भंते ! तच्चं मासं कइ णक्खत्ता णेति ? गोयमा ! तिण्णि, तं जहा–पुस्सो असिलेसा महा। पुस्सो चोद्दस राइंदियाइं णेइ। असिलेसा पण्णरस । महा एक्कं । तया णं वीसंगुलपोरिसीए छायाए सूरिए अणुपरियट्टइ। तस्स णं मासस्स जेसे चरिमे दिवसे तंसि च णं दिवसंसि तिण्णि पयाई अळंगुलाई पोरिसी भवइ ।
१६३. हेमंताणं भंते ! चउत्थं मासं कइ णक्खत्ता ऐति ? गोयमा ! तिण्णि णक्खत्ता, तं जहा-महा पव्वाफग्गणी उत्तराफग्गणी। महा चउस राइंदियाई णेह। पुव्वाफग्गुणी पण्णरस राइंदियाई णेइ। उत्तराफग्गुणी एगं राइंदियं णेइ। तया णं सोलसंगुलपोरिसीए छायाए सूरिए अणुपरियट्टइ । तस्स णं मासस्स जेसे चरिमे दिवसे तंसि च णं दिवसंसि तिण्णि पयाइं चत्तारि य अंगुलाई पोरिसी भवइ ॥
१६४. गिम्हाणं भंते ! पढम मासं कइ णक्खत्ता ऐति ? गोयमा ! तिण्णि णक्खत्ता णेति, तं जहा- उत्तराफग्गुणी हत्थो चित्ता। उत्तराफग्गुणी चउद्दस राइंदियाइं णेइ। हत्थो पण्णरस राइंदियाइं णेइ। चित्ता एगं राइंदियं णेइ। तया णं दुवालसंगुलपोरिसीए छायाए सूरिए अणुपरियट्टइ। तस्स णं मासस्स जेसे चरिमे दिवसे तंसि च णं दिवसंसि लेहट्ठाइं तिण्णि पयाइं पोरिसी भवइ ॥
१६५. गिम्हाणं भंते ! दोच्चं मासं कइ णक्खत्ता णेति ? गोयमा ! तिण्णि णक्खत्ता णेति, तं जहा-चित्ता साई विसाहा। चित्ता चउद्दस राइंदियाई णेइ। साई पण्णरस राइंदियाइं णेइ । विसाहा एगं राइंदियं णेइ। तया णं अटुंगुलपोरिसीए छायाए सूरिए अणुपरियट्टइ। तस्स णं मासस्स जेसे चरिमे दिवसे तंसि च णं दिवसंसि दो पयाइं अलैंगुलाई पोरिसी भवइ॥
१. आसिणी (ब)। २. कित्तिया (क,ख,स)।
३. मगसिरं (ब)। ४. तता (अ,ब); तदा (क,ख,स)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |