Page Text
________________
जंबुद्दीवपण्णत्ती माणे महा णवखत्ते जोएइ, उवकुलं जोएमाणे अस्सेसा णवखत्ते जोएइ। साविट्टिण्णं अमावसं कुलं वा जोएइ, उवकुलं वा जोएइ । कुलेण वा जुत्ता उवकुलेण वा जुत्ता साविट्ठी अमावसा जुत्तत्ति वत्तव्वं सिया ॥
१५१. पोट्टवइण्णं भंते ! अमावसं तं चेव दो 'जोएइ, णो लब्भइ कुलोवकलं''। कलं जोएमाणे उत्तराफग्गुणी णक्खत्ते जोएइ, उवकुलं जोएमाणे पुव्वाफग्गुणी णक्खत्ते जोएइ। पोट्ठवइण्णं अमावसं जाव जुत्तत्ति वत्तव्वं सिया ॥
१५२. मग्गसिरिणं तं चेव कुलं मूले णक्खत्ते जोएइ, उवकुलं जेट्ठा णक्खत्ते जोएइ, कुलोवकुलं अणुराहा जाव जुत्तत्ति वत्तव्वं सिया ॥
१५३. एवं माहीए फग्गुणीए आसाढीए कुलं वा उवकुलं वा कुलोवकुलं वा। अवसेसियाणं कुलं वा उवकुलं वा जोएइ ॥
१५४. जया णं भंते ! साविट्ठी पुण्णिमा भवइ, तया णं माही अमावसा' भवइ ? जया णं माही पुण्णिमा भवइ, तया णं साविट्ठी अमावसा भवइ? हंता गोयमा! जया णं साविट्ठी तं चेव वत्तव्वं ॥
१५५. जया णं भंते ! पोट्ठवई पुण्णिमा भवइ, तया णं फग्गुणी अमावसा भवइ? जया णं फग्गुणी पुण्णिमा भवइ, तया णं पोट्ठवई अमावसा भवइ ? हंता गोयमा ! तं चेव । एवं एएणं अभिलावेणं इमाओ पुण्णिमाओ अमावसाओ णेयवाओ-अस्सिणी पुण्णिमा चेत्ती अमावसा, कत्तिगी' पुण्णिमा वइसाही अमावसा, मग्गसिरी पुण्णिमा जेट्ठामूली अमावसा, पोसी पुण्णिमा आसाढी अमावसा ॥
१५६. वासाणं भंते ! पढमं मासं कइ णक्खत्ता णेति ? गोयमा ! चत्तारि णक्खत्ता णेति, तं जहा-उत्तरासाढा अभिई सवणो धणिट्ठा। उत्तरासाढा चउद्दस अहोरत्ते णेइ। अभिई सत्त अहोरत्ते णेई । सवणो अट्ट अहोरत्ते णेई । धणिट्ठा एग अहोरत्तं णेइ। तंसि च णं मासंसि चउरंगुलपोरिसीए छायाए सूरिए अणुपरियट्टइ। तस्स णं मासस्स 'चरिमे दिवसे" दो पया चत्तारि य अंगुला पोरिसी भवइ ।
१५७. वासाणं भंते ! दोच्चं मासं कइ णक्खत्ता णेति ? गोयमा ! चत्तारि, तं जहाधणिट्ठा सयभिसया पुव्वाभद्दवया उत्तराभद्दवया। धणिट्ठा णं चउद्दस अहोरत्ते णेइ। सयभिसया सत्त । पुव्वाभद्दवया अट्ठ। उत्तराभद्दवया एगं । तंसि च णं मासंसि अटुंगुलपोरिसीए छायाए सूरिए अणुपरियट्टइ। तस्स णं मासस्स चरिमे दिवसे दो पया अट्ठ य अंगुला पोरिसी भवइ ।।
१५८. वासाणं भंते ! तइयं मासं कइ णक्खत्ता णेति ? गोयमा ! तिण्णि णक्खत्ता णेति, तं जहा-उत्तराभद्दवया रेवई अस्सिणी । उत्तराभद्दवया चउद्दस राइदिए णेइ । रेवई पण्णरस । अस्सिणी एगं । तंसि च णं मासंसि दुवालसंगुलपोरिसीए छायाए सूरिए अणुपरियट्टइ । तस्स णं मासस्स चरिमे दिवसे लेहट्ठाई तिण्णि पयाइं पोरिसी भवइ ॥
१. णो जोएइ कुलोवकुलं (प)। २. अवमंसा (अ,क,ख,त्रि,ब)। ३. कत्तिकी (अ); कित्तिको (ख,ब); कित्तिगी
(स)। ४. चरिमदिवसे (अ,त्रि,प); चरमदिवसे (ब)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |