Page Text
________________
सत्तमो वक्खारो
१५०
गाहा--
मेरुस्स' मज्झयारे, जाव य लवणस्स रुंदछब्भागे।
तावायामो एसो, सगडुद्धीसंठिओ णियमा ॥१॥ ३३. तया णं भंते ! किंसंठिया अंधयारसंठिई पण्णत्ता? गोयमा ! उड्डीमुहकलंबुयापुप्फसंठाणसंठिया अंधयारसंठिई पण्णत्ता- अंतो संकुया बाहिं वित्थडा', 'अंतो वट्टा बाहिं पिहला, अंतो अंक मुहसंठिया बाहिं सगडुद्धीमुहसंठिया, उभओ पासे णं तीसे दो बाहाओ अवट्ठियाओ हवंति-पणयालीसं-पणयालीसं जोयणसहस्साइं आयामेणं, दुवे य णं तीसे बाहाओ अणवट्टियाओ हवंति, तं जहा—सव्वब्भंतरिया चेव बाहा, सव्वबाहिरिया चेव बाहा। तीसे णं सव्वभंतरीया बाहा मंदरपव्वयंतेणं छज्जोयणसहस्साइं तिण्णि य चउवीसे जोयणसए छच्च दसभाए जोयणस्स परिक्खेवेणं । से णं भंते ! परिक्खेवविसेसे कओ आहिएति वएज्जा? गोयमा ! जे दरम्य पव्वयस्स परिक्खेवे, तं परिक्खेवं दोहिं गुणेत्ता दसहि छेत्ता दसहिं भागे हीरमाणे, एस णं परिक्खेवविसेसे आहिएति वएज्जा। तीसे णं सव्वबाहिरिया बाहा लवणसमुदंतेणं तेसट्ठी' जोयणसहस्साई दोण्णि य पणयाले जोयणसए छच्च दसभाए जोयणस्स परिक्खेवेणं । से णं भंते ! परिक्खेवविसेसे कओ आहिएति वएज्जा ? गोयमा ! जे णं जंबुद्दीवस्स दीवस्स परिक्खेवे, तं परिक्खेवं दोहिं गुणेत्ता' 'दसहि छेत्ता दसहि भागे हीरमाणे, एस णं परिक्खेवविसेसे आहिएति वएज्जा ।।
३४. तया णं भंते ! अंधयारे केवइए आयामेणं पण्णत्ते ? गोयमा! अट्ठहत्तर जोयणसहस्साई तिण्णि य तेत्तीसे जोयणसए जोयण तिभागं च आयामेणं पण्णत्ते॥
३५. जया णं भंते ! सूरिए सव्वबाहिरमंडलं' उवसंकमित्ता चारं चरइ, तया णं किंसंठिया तावक्खेत्तसंठिई पण्णत्ता? गोयमा ! उड्ढीमुहकलंबुयापुप्फसंठाणसंठिया पण्णत्ता, तं चेव सव्वं णेयव्वं, णवरं णाणत्तं-जं अंधयारसंठिईए पुव्ववण्णियं पमाणं तं तावखेत्तसंठिईए णेयव्वं", जं तावखेत्तसंठिईए पुव्ववण्णियं पमाणं तं अंधयारसंठिईए१ णेयव्वं ॥
३६. जंबुद्दीवे णं भंते ! दीवे सूरिया उग्गमणमुहुत्तंसि दूरे य मूले य दीसंति ? मज्झंतियमुहुत्तंसि मूले य दूरे य दीसंति ? अत्थमणमुहुत्तंसि दूरे य मूले य दीसंति ? हता गोयमा ! तं चेव जाव दीसंति ॥ १. 'अ,ब' सङ्केतितयोः ताडपत्रीयादर्शयोः नेयं ७. अद्वत्तरि (अ,ब,स)। गाथा उपलभ्यते।
८. °बाहिरगं (अ,ब)। २. उद्धीमुह° (अ,ख,त्रि,ब)।
६. णवरि (अ,क,ब,स); णवरि (ख,त्रि)। ३. सं० पा०—वित्थडा तं चेव जाव तीसे। १०. ० ७१३३,३४। ४. तेवट्ठी (अ,क,ख,ब,स); तेवट्टि (त्रि)। ११. अंधकारस्स (अ,क,ख,त्रि,ब,स)। ५. पणताले (क,ख,स); पणयालीसे (त्रि)। १२. जं० ७।३१,३२ । ६. सं० पा०--गुणेत्ता जाव तं चेव ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |