Page Text
________________
पंचमो वक्खारो
५४३
भररवयाणं मागहाइतित्थाणं उदगं मट्टियं च गिण्हति एवं गंगाईणं महाणईणं जाव चुल्ल हिमवताओ सव्वतुवरे सव्वपुप्फे सव्वगंधे सव्वमल्ले जाव सव्वोसहीओ सिद्धत्थए य गिण्हंति, गिव्हित्ता, पउमद्दहाओ दहोदगं उप्पलाईणि य, एवं सव्वकुलपव्वसु वट्टवेयड्ढे सव्वमहद्दहेसु सव्ववासेसु सव्वचक्कवट्टिविजएसु वक्खारपव्वसु अंतरणईसु विभासिज्जा जाव उत्तरकुरुसु जाव सुदंसणभद्दसालवणे सव्वतुवरे जाव सिद्धत्थए य गिण्हंति, एवं दवेणाओं सव्वतुवरे जाव सिद्धत्थए य सरसं च गोसीसचंदणं दिव्वं च सुमणदामं गेहंति, एवं सोमणसपंडगवणाओ य सव्वतुवरे जाव सुमणदामं दद्दरमलयसुगंधे य गिव्हंति, fifeत्ता गओ मिलायंति' मिलाइत्ता जेणेव सामी तेणेव उवागच्छंति, उवागच्छित्ता तं महत्थं जाव तित्थयराभिसेयं उवट्टवेंति ।
५६. तए णं से अच्चुए देविदे देवराया दसहिं सामाणियसाहस्सीहिं, तायत्तीसाए तावत्ती एहि चह लोगपालेहि तिहि परिसाहि सत्तहिं अणिएहि, सत्तहिं अणियाहिवईहिं चत्तालीसाए आयरक्खदेवसाहस्सीहिं सद्धि संपरिवुडे' तेहि साभाविएहि वे उब्विएहि य वरकमलपइट्ठाणेहिं सुरभिवरवारिपडिपुण्णेहिं चंदणकयचच्चा एहि आविद्धकंठेगुणेहिं पउप्पल पिहाणेहिं करयलसूमालपरिग्गहिएहि अट्टसहस्सेणं सोवण्णियाणं कलसाणं जाव अट्ठसहस्सेणं भोमेज्जाणं जाव सव्वोदएहिं सव्वमट्टियाहि सव्वतुवरेहिं जाव सव्वोसहिसिद्धत्थ एहिं सव्विड्डीए जाव दुंदुहिणिग्घोसनाइयरवेणं महया - महया तित्थयराभिसेणं अभिसिंचइ* ॥
५७. तए णं सामिस्स महया - महया अभिसेयंसि वट्टमाणंसि इंदाइया देवा छत्तचामरकलसधूवकडुच्छुयपुप्फगंध जाव' हत्थगया हट्टतुट्ठ-चित्तमाणंदिया जाव' वज्जसूलपाणी पुरओ चिट्ठति पंजलिउडा, एवं विजयाणुसारेण जाव" अप्पेगइया देवा आसिय-संमज्जिवलित्तं सित्तसुइसम्मट्ठरत्थंतरावणवीहियं करेंति जाव गंधवट्टिभूयं अप्पेगइया हिरण्णवासं वासंति, एवं सुवण्ण रयण - वइर आभरण - पत्त- पुप्फ-फल- बीय- मल्ल-गंध-वण्ण जाव चुण्णवासं वासंति, अप्पेगइया हिरण्णविहिं भाएंति, एवं जाव चुण्णविहिं भाएंति अप्पेगइया चउन्विहं वज्जं वाएंति, तं जहा - ततं विततं घणं झुसिरं, " अप्पेगइया चउब्विहं गेयं गायंति, तं जहा -- उक्खित्तं पयत्तं मंदं" रोइंदगं" अप्पेगइया चउव्विहं णट्टं णच्चंति, तं जहा - अंचियं दुयं
१. मिलति ( प ) ।
२. संपरिवुडे जाव ( अ, क, ख, त्रि,ब, स, आवश्यक चूर्णि पृ० १४८ ) ।
३. सुकुमाल (क, ख, त्रि, प, स ) ।
४. अभिसिचंति (अ, क, ख, त्रि, प, बस, ही वृ); एकवचनकर्तकत्वेन एकवचनान्तमेव क्रियापदं युज्यते तथापि लिपिमादात् आदर्शेषु तद् बहुवचनान्तं जातम् ।
५. जं० ५५५; ३।१०,११ । ६. जं० ५।२७ ।
Jain Education International
७. जी० ३।४४७ ॥
८. सुसिरं ( अ, ब ) ।
६. पायत्तं ( प ) ; पत्तए ( ठा० ४।६३४ ) ; पायं तं ( राय० सू० ११५ ) ; पायंतायं ( राय० सू० २८१) ।
१०. मंदायं ( प, पुवृपा, राय० सू० ११५,२८१, जी० ३।४४७) ।
११. रोगं ( कस, शावृपा ); रोइदअंगं (ख); रोइयावसानं (त्रिप, पुवृ, राय० सू० ११५,२८१ जी० ३।४४७) ।
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |