Page Text
________________
५४२
जंबुद्दीवपण्णत्ती
घंटा, सेसं तं चेव', परिसाओ जहा जीवाभिगमे ।।
५२. तेणं कालेणं तेण समएणं धरणे तहेव, णाणत्तं-छ सामाणियसाहस्सीओ, छ अग्गमहिसीओ, चउग्गुणा आयरवखा, मेघस्सरा घंटा, भद्दसेणो पायत्ताणीयाहिवई, विमाणं पणवीसं जोयणसहस्साई, महिंदज्झओ अड्डाइज्जाई जोयणसयाइं, एवमसुरिंदवज्जियाणं भवणवासिइंदाणं, णवरं --असुराणं ओघस्सरा घंटा, णागाणं मेघस्सरा, सुवण्णाणं हंसस्सरा, विज्जूणं कोंचस्सरा, अग्गीणं मंजुस्सरा, दिसाणं मंजुघोसा, उदहीणं सुस्सरा, दीवाणं महुरस्सरा, वाऊणं णंदिस्सरा, थणियाणं णंदिघोसा। गाहा- चउसट्ठी सट्ठी खलु, छच्च सहस्सा उ असुरवज्जाणं ।
सामाणिया उ एए,चउग्गुणा आयरक्खा उ ॥१॥ दाहिणिल्लाणं पायत्ताणीयाहिवई भद्दसेणो, उत्तरिल्लाणं दक्खो ॥
५३. वाणमंतरजोइसिया णेयव्वा, एवं चेव णवरं--चत्तारि सामाणियसाहस्सीओ, चत्तारि अग्गमहिसीओ, सोलस आयरक्खसहस्सा, विमाणा सहस्सं, महिंदज्झया पणवीसं जोयणसयं, घंटा दाहिणाणं मंजुस्सरा, उत्तराणं मंजुघोसा, पायत्ताणीयाहिवई विमाणकारी य आभिओगा देवा, जोइसियाणं सुस्सरा सुस्सरणिग्घोसा' घंटाओ, मंदरे समोसरणं जाव पज्जुवासंति ॥
५४. तए णं से अच्चुए देविंदे देवराया महं देवाहिवे आभिओग्गे देवे सद्दावेइ, सद्दावेत्ता एवं वयासी -खिप्पामेव भो देवाणुप्पिया ! महत्थं महग्धं महरिहं विउलं तित्थयराभिसेयं उवट्ठवेह ॥
५५. तए णं ते आभिओग्गा देवा हट्टतुटु-चित्तमाणं दिया जाव पडिसुणित्ता उत्तरपुरस्थिमं दिसीभागं अवक्कमंति, अवक्कमित्ता वेउव्वियसमुग्घाएणं जाव समोहणित्ता अट्ठसहस्सं सोवण्णियकलसाण, एवं रुप्पमयाण मणिमयाण सूवण्णरुप्पमयाण सूवण्णमणिमयाण रुप्पमणिमयाणं सुवण्णरुप्पमणिमयाणं अट्ठसहस्सं भोमेज्जाणं, अट्ठसहस्सं वंदणकलसाणं, एवं भिंगाराणं आयंसाणं थालाणं पातीणं सुपइट्ठाणं' चित्ताणं रयणकरंडगाणं वायकरगाणं पुप्फचंगेरीणं जहा सूरियाभस्स सव्वचंगेरीओ सव्वपडलगाइं विसेसियतराई भाणियव्वाइं विउव्वंति, विउव्वित्ता सीहासण-छत्त-चामर-तेल्लसमग्गा जाव सरिसवसमग्गा तालियंटा जाव अट्ठसहस्सं कडुच्छयाणं विउव्वंति, विउव्वित्ता साहाविए वेउव्विए य कलसे जाव कडुच्छुए य गिण्हित्ता जेणेव खीरोदए समुद्दे तेणेव आगम्म खीरोदगं गिण्हंति, जाई तत्थ उप्पलाइं पउमाइं जाव सहस्सपत्ताइं ताइं गिण्हंति, एवं पुक्खरोदाओ जाव .. १. जं० १५० ।
८. जं० ५।५। २. जी० ३।२३५-२५० ।
६. पादीणं (अ, ब); पाईणं (क, ख, प, स)। ३.णिग्घोसाओ (प)।
१०. सुपइट्ठगाणं (प) । ४. महिंदे (क.ख,स,पुवृ); महं (पुवृपा)। ११.४ (अ,क,ख,त्रि,ब,स आवश्यकचूणि पृ० १४७) ५. आभिओगे (क,ख,प,स); आभिओगिए (त्रि)। १२. x (अ,क,ख,त्रि,ब,स, आवश्यकचूणि पृ० १४७)। ६. जं० ३।८।
१३. राय० सू० २७६ । ७. पइसुणेत्ता (अ,ब)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |