Page Text
________________
पंचमो वक्खारो
सूरिंदे सीहासणाओ अब्भुट्टेइ, अब्भुठेत्ता 'पायपीढाओ पच्चोरुहइ, पच्चोरुहित्ता' वेरुलिय-वरिट्ठ-रिट्ठ-अंजण-णिउणोविय-मिसिमिसिंतमणिरयणमंडियाओ पाउयाओओमुयइ, ओमुइत्ता एगसाडियं उत्तरासंगं करेइ, करेत्ता अंजलि-मउलियग्गहत्थे तित्थयराभिमुहे सत्तट्ठ पयाइं अणुगच्छइ, अणुगच्छित्ता, वामं जाणुं अंचेइ, अंचेत्ता दाहिणं जाणुं धरणीतलंसि साहटु तिक्खुत्तो मुद्धाणं धरणितलंसि णिवेसेइ', णिवेसेत्ता ईसिं पच्चुण्णमइ, पच्चुण्णमित्ता कडग-तुडिय-थंभियाओ भुयाओ साहरइ, साहरित्ता करयलपरिग्गहियं दसणहं सिरसावत्तं मत्थए अंजलि कटु एवं वयासी-णमोत्थु णं अरहताणं भगवंताणं, आइगराणं तित्थयराणं सयंसंबुद्धाणं, पुरिसोत्तमाणं पुरिससीहाणं पुरिसवरपुंडरीयाणं पूरिसवरगधहत्थाण, लोगूत्तमाण लोगणाहाण लोगहियाण लोगपईवाण लोगपज्जोयगराण अभयदयाणं चक्खुदयाणं मग्गदयाणं सरणदयाणं जोवदयाणं बोहिदयाणं', धम्मदयाणं धम्मदेसयाण धम्मणायगाणं धम्मसारहीणं धम्मवरचाउरंतचक्कवठ्ठीणं, दीवो ताणं सरणं गई पइट्टा, अप्पडिहयवरनाणदंसणधराणं वियदृछउमाणं, जिणाणं जावयाणं तिण्णाणं तारयाणं बुद्धाणं बोहयाणं मुत्ताणं मोयगाणं, सव्वण्णूणं सव्वदरिसीणं सिवमयलमरुयमणंतमक्खयमव्वाबाहमपुणरावित्ति सिद्धिगइणामधेयं ठाणं संपत्ताणं"। णमोत्थ णं भगवओ तित्थगरस्स आइगरस्स जाव संपाविउकामस्स। वंदामि णं भगवंतं तत्थगयं इहगए, पासउ मे भयवं! तत्थगए इहगयंतिकटु वंदइ णमंसइ, वंदित्ता णमंसित्ता सीहासणवरंसि पुरत्थाभिमुहे सण्णिसण्णे ॥
२२. तए णं तस्स एक्कस्स देविंदस्स देवरण्णो अयमेयारूवे" 'अज्झथिए चितिए पत्थिए मणोगए' संकप्पे समुप्पज्जित्था-उप्पण्णे खलु भो ! जंबुद्दीवे दीवे भगवं तित्थयरे, तं जीयमेयं तीयपच्चप्पण्णमणागयाणं सक्काणं देविंदाणं देवराईणं तित्थयराणं जम्मणमहिमं करेत्तए, तं गच्छामि णं अहंपि भगवओ" तित्थगरस्स जम्मणमहिमं करेमित्तिकटु एवं संपेहेइ, संपेहेता हरि-णेगमेसिं पायत्ताणीयाहिवइं देवं सद्दावेइ, सद्दावेत्ता एवं वयासी--- खिप्पामेव भो देवाणुप्पिया ! सभाए सुहम्माए मेघोघरसियगंभीरमहुरयरसई" जोयण
१. X (अ,क,ख,त्रि,ब,स, पुव, हीवृ)। २. णिहटु (अ,क,ख,त्रि,ब,स,पुत्,हीवृ) । ३. निवाडेइ (अ,क,ख,त्रि,ब,स,पुवृ,हीवृ) । ४.४ (अ,क,ब,स)। ५. णमुत्थु (क,प,स)। ६. अरिहंताणं (अ,त्रि) । ७. पुरिसुत्तमाणं (क,ख,त्रि,प,स)। ८. ४ (अ,ब)। ६. x (अ,ब)। १०. वत्ति (अ,क,ख,त्रि ) वत्तयं (ब)। ११. संपताणं णमो जिणाणं (क,ख,त्रि,हीव);
संपत्ताणं णमो जिणाणं जियभयाणं (प,स,
पूर्व); प्राचीनादर्शषु 'ठाणं संपत्ताणं' इति पर्यवसितः पाठो लभ्यते, भगवत्या (१७) मपि
'ठाणं संपाविउकामे' इत्येव पाठो विद्यते । १२. रायपसेणिइ (८) सुत्ते 'पासई' इति पदं
स्वीकृतमस्ति । अर्थदृष्ट्या तत् समीचीनमस्ति, किन्तु प्रयुक्तादर्शेषु 'पासइ' इति पदं
क्वापि नैव दृश्यते। १३. सं. पा.-अयमेयारूवे जाव संकप्पे। १४. भगवं (अ,ब)। १५. गंभीरतरमहुरतरसइं (अ क,ख,त्रि,ब,स,पु,)
हीव); गंभीरतरमहुरसदं (आवश्यकचूणि पृ० १४०)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |