Page Text
________________
५१०
जंबुद्दीवपण्णत्ती चत्तारि य सत्तभाए जोयणस्स अबाहाए सीयोयाए' महाणईए पुरत्थिम-पच्चत्थिमेणं उभओ कूले, एत्थ णं चित्त-विचित्तकूडा णामं दुवे पव्वया पण्णत्ता। एवं जच्चेव जमगपव्वयाणं सच्चेव । एएसि रायहाणीओ दक्खिणेणं ।।
२०७. कहि णं भंते! देवकुराए कुराए णिसहद्दहे णामं दहे पण्णत्ते ? गोयमा ! तेसिं चित्त-विचित्तक डाणं पव्वयाणं उत्तरिल्लाओ चरिमंताओ अट्ठ चोत्तीसे जोयणसए चत्तारि य सत्तभाए जोयणस्स अबाहाए सीओयाए महाणईए बहुमज्झदेसभाए, एत्थ णं णिसहद्दहे णामं दहे पण्णत्ते । एवं जच्चेव नीलवंत-उत्तरकुरु - चंदेरावण-मालवंताणं वत्तव्वया सच्चेव णिसह-देवकुरु-सूर- सुलस-विज्जुप्पभाणं णेयव्वा। रायहाणीओ दक्खिणेणं॥
२०८. कहि णं भंते ! देवकुराए कुराए क डसामलिपेढे णामं पेढे पण्णत्ते ? गोयमा ! मंदरस्स पव्वयस्स दाहिणपच्चत्थिमेणं, णिसहस्स वासहरपव्वयस्स उत्तरेणं, विज्जुप्पभस्स वक्खारपव्वयस्स पुरत्थिमेणं, सोमणसस्स वक्खारपव्वयस्स पच्चत्थिमेणं, सीयोयाए महाणईए पच्चत्थिमेणं, देवकुरुपच्चत्थिमद्धस्स बहुमज्झदेसभाए, एत्थ णं देवकुराए कुराए कूडसामलीए कूडसामलिपेढे णामं पेढे पण्णत्ते । एवं जच्चेव जंबूए सदसणाए वत्तव्वया सच्चेव सामलीएवि भाणियव्वा णामविहणा गरुलवेणदेवे, रायहाणी दक्खिणेणं, अवसिठें तं चेव जाव देवकुरू य इत्थ देवे पलिओवमट्टिईए परिवसइ । से तेणठेणं गोयमा ! एवं वुच्चइ-देवकुरा-देवकुरा । अदुत्तरं च णं देवकुराए ॥
२०६. कहि णं भंते ! जंबुद्दीवे दीवे महाविदेहे वासे विज्जुप्पभे णामं वक्खारपव्वए पण्णत्ते ? गोयमा ! णिसहस्स वासहरपव्वयस्स उत्तरेणं, मंदरस्स पव्वयस्स दाहिणपच्चत्थिमेणं, देवकुराए पच्चत्थिमेणं, पम्हस्स विजयस्स पुरत्थिमेणं, एत्थ णं जंबद्दीवे दीवे महाविदेहे वासे विज्जूप्पभे वक्खारपव्वए पण्णत्त --उत्तरदाहिणायए, एवं जहा मालवंते, णवरि-सव्वतवणिज्जमए अच्छे जाव देवा आसयंति ॥ __ २१०. विज्जुप्पभे णं भंते ! वक्खारपव्वए कइ कूडा पण्णत्ता ? गोयमा ! नव कूडा पण्णत्ता, तं जहा सिद्धाययणकूडे विज्जुप्पभकूडे देवकुरुकूडे पम्हकूडे कणगकूडे सोवत्थियकूडे सीतोदाकूडे सयज्जलकूडे हरिकूडे । गाहा
सिद्धे य विज्जुणामे, देवकुरु पम्ह कणग सोवत्थी ।
सीतोदा य सयज्जल, हरिकूडे चेव बोद्धव्वे ॥१॥ १. सीयाए (अ,त्रि प,ब) अशुद्धं प्रतिभाति । ६. गरुलदेवे (अ,ख,त्रि,प.ब होवृ); गरुडदेवोत्र, २. जं० ४।११०.१४० ।
गरुडो... गरुड जातीयो वेणुदेवनामा मतान्तरेण, ३. चंदेराक्य (क,त्रि,प,स,पु, शावृ, हीवृ); गरुडवेगनामा वा देवः (शाव) । द्रष्टव्यं...-४।१४२ सूत्रम । जीवाजीवाभिगमे ७. जं०४१४३-१६१ । (१६६७)- पि 'एरावणदहे' इति पाठो ८. जं० ४.१६२। दृश्यते।
६. सोओआकूडे (ख,स)। ४.० ४.१४१,१४२ । ।
१०. सयंजूलकूडे (त्रि); सूर्य जलकूटम् (हीव) । ५. °वेढे (क)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |