Page Text
________________
५०२
जंबुद्दीवपणत्ती
हरणगरावासा पण्णत्ता । आभिओगसेढीए उत्तरिल्लाओ सेढीओ सीयाए ईसाणस्स, सेसाओ सक्कस्स, कूडा
गाहा
सिद्धे कच्छे खंडग, माणी वेयड्ड पुण्ण तिमिसगुहा।
कच्छे वेसमणे वा, वेयड्ढे होंति कूडाई ॥१॥ १७३. कहि णं भंते ! जंबुद्दीवे दीवे महाविदेहे वासे उत्तरड्डकच्छे णाम विजए पण्णत्ते ? गोयमा ! वेयड्डस्स पव्वयस्स उत्तरेणं, णीलवंतस्स वासहरपव्वयस्स दाहिणेणं, मालवंतस्स वक्खारपव्वयस्स पुरत्थिमेणं, चित्तकूडस्स वक्खारपव्वयस्स पच्चत्थिमेणं, एत्थ णं जंबुद्दीवे दीवे महाविदेहे वासे दाहिणड्डकच्छे णामं विजए पण्णत्ते जाव' सिज्मंति, तहेव णेयव्वं सव्वं॥
१७४. कहि णं भंते ! जंबुद्दीवे दीवे महाविदेहे वासे उत्तरडकच्छे विजए सिंधकंडे णामं कुंडे पण्णत्ते ? गोयमा ! मालवंतस्स वक्खारपव्वयस्स पुरत्थिमेणं, उसभकूडस्स पच्चत्थिमेणं, णीलवंतस्स वासहरपव्वयस्स दाहिणिल्ले णितंबे, एत्थ णं जंबुद्दीवे दीवे महाविदेहे वासे उत्तरड्डकच्छविजए सिंधुकुंडे णामं कुंडे पण्णत्ते-सट्टि जोयणाणि आयामविक्खंभेणं जाव' भवणं अट्ठो रायहाणी य णेयव्वा, भरहसिंधुकुंडसरिसं सव्वं णेयव्वं जाव तस्स णं सिंधुकुंडस्स दाहिणिल्लेणं तोरणेणं सिंधू महाणई पवूढा समाणी उत्तरडकच्छविजयं 'एज्जेमाणी-एज्जेमाणी ५ सत्तहि सलिलासहस्सेहि आपूरेमाणी-आपूरेमाणी अहे तिमिसगुहाए वेयड्डपव्वयं दालयित्ता दाहिणड्ढकच्छविजयं एज्जेमाणी-एज्जेमाणी चोद्दसहि सलिलासहस्सेहिं समग्गा दाहिणेणं सीयं महाणइं समप्पेइ। सिंधु महाणई पवहे य मुले य भरहसिंधुसरिसा पमाणेणं जाव दोहि वणसंडेहिं संपरिखिता॥
१७५. कहि णं भंते ! उत्तरड्डकच्छविजए उसभकूडे णामं पव्वए पण्णत्ते ? गोयमा ! सिंधुकुंडस्स पुरत्थिमेणं, गंगाकुंडस्स पच्चत्थिमेणं, णीलवंतस्स वासहरपव्वयस्स दाहिणिल्ले णितंबे, एत्थ णं उत्तरडकच्छविजए उसहकडे णामं पव्वए पण्णत्ते अट्ट जोयणाई उड्ढं उच्चत्तेणं, तं चेव पमाणं जाव रायहाणी से, णवरं-उत्तरेणं भाणियव्वा ।
१७६. कहि णं भंते ! उत्तरकच्छविजए गंगाकंडे णाम कंडे पण्णत्ते ? गोयमा ! चित्तकूडस्स वक्खारपव्वयस्स पच्चत्थिमेणं, उसहकूडस्स पुरत्थिमेणं, णीलवंतस्स वासहरपव्वयस्स दाहिणिल्ले णितंबे, एत्थ णं उत्तरडकच्छविजए गंगाकुंडे णामं कुंडे पण्णत्तेसट्टि जोयणाइं आयाम-विक्खंभेणं तहेव जहा सिंधू जाव" वणसंडेण य संपरिक्खित्ते ॥
१. जं० ४।१६६-१७१ । २.X (ख,प, शावृ, ही)। ३. जं० ४।३७ । ४. कच्छं विजयं (अ,क,ख,ब)। ५. पज्जेमाणी (अ,क,ख,त्रि,ब);
(ही)।
६. सिंधूणं (अ,क,ख,ब,स)। ७. जं० ४।३७ । ८. उत्तरड्डकच्छे (अ,क,ख,त्रि ,ब,स) अग्रेपि प्राय,
सर्वत्र। ९. जं० १२५१। १०. जं० ४।१७४ ।
पाययन्ती
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |