Page Text
________________
चउत्थो वक्खारो
४८ ३
धणुं [ धणुपट्ठ ? ] दाहिणेणं चउरासीइं जोयणसहस्साइं सोलसजोयणाइं चत्तारि एगुणवीसइभाए जोयणस्स परिक्खेवेणं ॥
८२. हरिवासस्स णं भंते ! वासस्स केरिसए आगारभावपडोआरे पण्णत्ते ? गोमा ! बहुसमरमणिज्जे भूमिभागे पण्णत्ते जाव मणीहिं लणेहि य उवसोभिए, एवं मणी ताण य वण्णो गंधो फासो सद्दो य भाणियव्वो' ॥ ८३. हरिवासे णं वासे तत्थ तत्थ देसे तहि तहि बहवे खुड्डा खुड्डियाओ, एवं जो सुसमाए अणुभावो सो चेव अपरिसेसो वत्तव्वों ॥
८४. कहिणं भंते! हरिवासे वासे वियडावई णामं वट्टवेयडुपव्वए पण्णत्ते ? गोमा ! हरीए महाणईए पच्चत्थिमेणं, हरिकताएं महाणईए पुरत्थिमेणं, हरिवासस्स वासस्स बहुमज्झदेसभाए, एत्थ णं वियडावई णामं वट्टवेयडुपव्वए पण्णत्ते । एवं जो चेव सद्दावइस्स विक्खंभुच्चत्तुव्वेह-परिक्खेव संठाण - वण्णावासो य सो चेव वियडावइस्सवि भाणियव्वो णवरं- अरुणो देवो, पउमाई जाव वियडावइवण्णाभाई । अरुणे यत्थ देवे महिड्डी एवं जाव दाहिणेणं रायहाणी णेयव्वा ॥
८५. से केणट्ठेणं भंते ! एवं बुच्चइ हरिवासे वासे ? हरिवासे वासे ?, गोयमा ! हरिवासे णं वासे मणुया अरुणा अरुणोभासा सेया णं संखतलसण्णिकासार, हरिवासे देवे हड्डी जाव पओिवमट्टिईए परिवसइ । से तेणट्ठेणं गोयमा ! एवं बुच्चइ - हरिवासे वासे - हरिवासे वासे ॥
८६. कहि णं भंते ! जंबुद्दीवे दीवे णिसहे णामं वासहरपव्वए पण्णत्ते ? गोयमा ! महाविदेहस्स वासस्स दक्खिणेणं, हरिवास्स उत्तरेणं, पुरत्थिमलवणसमुद्दस्स पच्चत्थिमेणं, पच्चत्थिमलवणसमुद्दस्स पुरत्थिमेणं, एत्थ णं जंबुद्दीवे दीवे णिसहे णामं वासहरपव्वए पण्णत्ते -- पाईणपडीणायए उदीणदाहिणविच्छिण्णे दुहा लवणसमुद्दं पुट्ठे-पुरस्थि मिल्लाए जाव पुट्ठे, चत्तारि जोयणसयाई उड्ढं उच्चत्तेणं, चत्तारि गाउयसयाइं उब्वेहेणं, सोलस जोयणसहस्साइं अट्ठय बायाले' जोयणसए दोण्णिय एगुणवीसइभाए जोयणस्स विक्खंभेणं । तस्स बाहा पुरत्थिमपच्चत्थिमेणं वीसं जोयणसहस्साइं एगं च पण्णट्ठ जोयणसयं दुण्णि य एगूणवीसइभाए जोयणस्स अद्धभागं च आयामेणं । तस्स जीवा उत्तरेणं' •पाईणपडीणायया दुहा लवणसमुद्दं पुट्ठा - पुरथिमिल्लाए कोडीए पुरथिमिल्लं लवणसमुद्द पुट्ठा, पच्चत्थिमिल्लाए कोडीए पच्चत्थिमिल्लं लवणसमुद्दं पुट्ठा, चउणवई जोयणसहस्साइं एगं च छप्पण्णं जोयणसयं दुण्णि य एगूणवीसइभाए जोयणस्स आयामेणं । तस्स धणुं [ धणुपट्ठे ? ] दाहिणेणं एगं जोयणसय सहस्सं चउवीसं च जोयणसहस्साई तिणिय छायाले जोयणसए णव य एगूणवीसइभाए जोयणस्स परिक्खेवेणं, रुयगसंठाण
१. जी ३।२७७-२८५ ।
२. जं २१५२, ५३ ।
३. द्रष्टव्यम् – ४।५७ सूत्रस्य पादटिप्पणम् ।
४. जं० ४।५७-६० ।
Jain Education International
५. संखदल (प, शावृ, पुवृपा) ।
६. पायाले (अ, ब ) ; बयालीस (त्रि ) । ७. सं० पा० - उत्तरेणं जाव चउषवदं । ८ तस्य (त्रि, ही ) ।
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |