Page Text
________________
४८२
जंबुद्दीवपण्णत्ती य वण संडेणं सध्वओ समता संपरिविखत्ते, वण्णओ भाणियन्वो, पमाणं च सयणिज्जं च अट्ठो य भाणियव्वो॥
७७. तस्स णं हरि कंतप्पवायकुंडस्स उत्तरिलेणं तोरणेणं' 'हरिकता महाणई पवूढा समाणी हरिवासं वासं एज्जेमाणी-एज्जेमाणी वियडावई वट्टवेयड्ढं जोयणेणं असंपत्ता पच्चत्थाभिमुही आवत्ता समाणी हरिवासं दुहा विभयमाणी-विभयमाणी छप्पण्णाए सलिलासहस्सेहि समग्गा अहे जगई दालइत्ता पच्चत्थिमेणं लवणसमुई समप्पेइ॥
७८. हरिकता णं महाणई पवहे पणवीसं जोयणाई विक्खंभेणं, अद्धजोयणं उव्वेहेणं, तयणंतरं च णं मायाए-मायाए परिवड्डमाणी-परिवड्डमाणी मुहमूले अड्डाइज्जाइं जोयणसयाई विक्खंभेणं, पंच जोयणाई उव्वेहेणं उभओ पासिं दोहिं पउमवरवेइयाहिं दोहि य वणसंडेहिं संपरिक्खित्ता॥
७६. महाहिमवंते णं भंते ! वासहरपव्वए कइ कूडा पण्णत्ता ? गोयमा ! अट्ठ कूडा पण्णत्ता, तं जहा-सिद्धायतणकूडे महाहिमवंतकूडे हेमवयकूडे रोहियकूडे हिरिकूडे हरिकताकूडे हरिवासक डे वेरुलियकूडे, एवं चुल्लहिमवंतकूडाणं जा वत्तव्वया सच्चेव णेयव्वा ।।
८०. से केणठेणं भंते ! एवं वुच्चइ--महाहिमवंते वासहरपव्वए ? महाहिमवंते वासहरपव्वए ? गोयमा ! महाहिमवंते णं वासहरपव्व ए चुल्लहिमवंतं वासहरपव्वयं पणिहाय आयामुच्चत्तुव्वह-विक्खभ-परिक्खेवेण महततराए चेव दीहतराए चेव । महाहिमवंते यत्थ देवे महिड्डीए जाव पलिओवमट्टिईए परिवसइ ।।
८१. कहि णं भंते ! जंबुद्दीवे दीवे हरिवासे णामं वासे पण्णत्ते ? गोयमा ! णिसहस्स वासहरपव्वयस्स दक्खिणेणं, महाहिमवंतस्स" वासहरपव्वयस्स उत्तरेणं, पुरत्थिमलवणसमुदस्स पच्चत्थिमेणं, पच्चत्थिमलवणसमुदस्स पुरत्थिमेणं, एत्थ णं जंबुद्दीवे दीवे हरिवासे णामं वासे पण्णत्ते । एवं जाव'२ पच्चत्थिमिल्लाए कोडीए पच्चत्थिमिल्लं लवणसमुदं पुठे, अट्ठ जोयणसहस्साइं चत्तारि य एगवीसे जोयणसए एगं च एगूणवीसइभागं जोयणस्स विक्खंभेणं । तस्स बाहा पुरथिमपच्चत्थिमेणं तेरस जोयणसहस्साई तिण्णि य एगसढे जोयणसए छच्च एगूणवीसइभाए जोयणस्स अद्धभागं च आयामेणं । तस्स जीवा उत्तरेणं पाईणपडीणायया दुहा लवणसमुहं पुढा--पुरत्थिमिल्लाए कोडीए पुरथिमिल्लं जाव लवणसमुदं पुट्ठा, तेवत्तरि जोयणसहस्साई णव य एगुत्तरे जोयणसए सत्तरस य एगूणवीसइभाए जोयणस्स अद्धभागं च आयामेणं । तस्स १. सं० पा०-वणसंडेणं जाव संपरिक्खित्ते ।
७. जं० ४।४५-५४। २. जं० १४१०-१३।
८. आयामुच्चत्तोब्वेह (अ, ख त्रि, ब, स)। ३. जं० ४१३२-३४॥
६ महंतराए (अ, क, ख, त्रि, ब)। ४. सं० पा०-तोरणेणं जाव पवूढा।
१०. जं० २४ । ५. हरिवस्सं (अ, प, ब)।
११. महयाहिमवंतस्स (अ, त्रि, ब) । ६. सिद्धायणकूडे (अ, ब)।
१२. जं०४।१।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |