Page Text
________________
त्यो वक्खारी
वित्तिविसेसं पच्चणुभवमाणा' विहरति ॥
३. तस्स णं बहुसमरमणिज्जस्स भूमिभागस्स बहुमज्झदेसभाए, एत्थ णं एक्के महं पउम णामं दहे पण्णत्ते - पाईणपडीणायए उदीणदाहिणविच्छिण्णे एक्कं जोयणसहस्सं आयामेणं, पंच जोयणसयाई विक्खंभेणं, दस जोयणाई उव्वेहेणं, अच्छे सण्हे रययामयकूले' 'वइरामयपासाणे सुहोतारे सुउत्तारे णाणामणितित्थ-बद्धे वइरतले सुवण्णसुज्झ - रययवालुयाए वेरुलियमणिफालियपडल- पच्चोयडे वट्टे समतीरे अणुपुव्वसुजायवप्पगंभीरसीयलजले संछणपत्तभिसमुणाले बहुउप्पल - कुमुय णलिण - सुभग-सोगंधिय-पोंडरीयमहापोंडरीय-सयपत्त-सहस्सपत्तपप्फुल्ल केसरो बचिए अच्छविमलपत्थसलिल पुणे परिहत्थभमंतमच्छकच्छभ-अणेगस उणगणमिहुणपविचरिय- सदुष्णइय महुरसरणाइए पासाईए दरिसणिज्जे अभिरूवे' पडिरूवे । से णं एगाए पउमवरवेइयाए एगेण य वणसंडेणं सव्वओ समता संपरिक्खित्ते, वेइया-वणसंड-वण्णओ भाणियव्व ॥
४. तस्स णं पउमद्दहस्स चउद्दिसिं चत्तारि तिसोवाणपडिरूवगा पण्णत्ता, वण्णावासो भाणियव्व ॥
५. तेसि णं तिसोवाणपडिरूवगाणं पुरओ पत्तेयं पत्तेयं तोरणे पण्णत्ते । तेणं तोरणा णाणमणिमया ॥
६. तस्स णं पउमद्दहस्स बहुमज्झदेसभाए, एत्थ णं महं एगे पउमे पण्णत्ते - जोयणं आयाम - विक्खंभेणं, अद्धजोयणं बाहल्लेणं, दस जोयणाई उव्वेहेणं दो कोसे ऊसिए जलताओ 'साइरेगाई दसजोयणाई सव्वग्गेणं पण्णत्ते । से णं एगाए जगईए सव्वओ समंता संपरिक्खित्त, जंबुद्दीवजगइप्पमाणा गवक्खकडएवि तह चेव पमाणेणं ॥
७. तस्स णं पउमस्स अयमेयारूवे वण्णावासे पण्णत्ते, तं जहा - वइरामया मूला रिट्ठामए कंदे वेरुलियामए णाले वेरुलियामया बाहिरपत्ता जंबूणयामया अभितरपत्ता तवणिज्जमया केसरा णाणामणिमया पोक्खरत्थिभया कणगामई कण्णिगा, सा णं अद्धजोय आयाम - विक्खंभेणं, कोसं बाहल्लेणं, सव्वकणगामई अच्छा ॥
८. तीसे णं कण्णियाए उप्पि बहुसरमणिज्जे भूमिभागे पण्णत्ते से जहाणामए आलिंगपुक्खरेइ वा " ॥
६. तस्स णं बहुसमरमणिज्जस्स भूमिभागस्स बहुमज्झदेसभाए, एत्थ णं महंगे भवणे पण्णत्ते--कोसं आयामेणं, अद्धकोसं विक्खंभेणं, देसूणगं कोसं उड्ढं उच्चत्तेणं,
१. पडियाय ( अ, ब ) पडणायए (क, ख, त्रि,स)। २. सं० पा० - रययामयकूले जाव पासाईए जाव परुिवे ।
३. जं० १११०-१३ ।
४. जं० ४।२६ ।
५. नवरं 'णाणामणिमये' ति वर्णकैकदेशेन पूर्ण स्तोरणवर्णको ग्राह्यः ( शावृ ) ; जं० ४।२७
३० ।
Jain Education International
४६६
६. × ( अ, ब ) ।
७. पमाणेणं सातिरेगाई दसजोयणाइं सव्वग्गेणं पण्णत्ते ( अ, क, ख, त्रि,ब) ; जं० ११८,६ ॥
८. पुष्करास्थिभागाः (शावृ); पुक्ख रत्थिभुया (जी० ३।६४३) ।
६. 'अच्छा' इत्येकदेशेन 'साहा' इत्यादिपदान्यपि विज्ञेयानि (शावृ ) ।
१०. जं० १।१३ ।
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |