Page Text
________________
४६६
गाणं एगूणपण्णाए कुरज्जाणं विणीयाए रायहाणीए चुल्लहिमवंतगिरिसागरमेरागस्स केवलकप्पस्स भरहस्स वासस्स अण्णेसि च बहूणं राईसर' - तलवर'- माडंबिय - कोडुंबिय इब्भ-सेट्ठि-सेणावइ' -सत्थवाहप्पभिईणं आहेवच्चं पोरेवच्चं सामित्तं भट्टित्तं महत्तरगत्तं आणा - ईसर - सेणावच्चं कारेमाणे पालेमाणे ओहय - णिहएस कंटएसु उद्धमलिए सव्वसत्सु णिज्जिएसु भरहा हिवे परिंदे वरचंदणचच्चियंगे वरहाररइयवच्छे वरमउडविसिट्ठए' वरवत्थभूसणधरे सव्वोउयसुर हिकुसुमवरमल्लसोभियसिरे वरणाडग*नाइज्ज-वरइत्थिगुम्म सद्धि संपरिवडे सव्वोसहि सव्वरयण - सव्वसमिइस मग्गे संपुष्णमणोरहे हयामित्तमाणमहणे पुव्वकयतवप्पभाव'-निविट्ठसंचियफले भुंजइ
माणुस्सए सुहे भरहे णामधेज्जे ||
२२२. तए णं से भरहे राया अण्णया कयाइ जेणेव मज्जणघरे तेणेव उवागच्छइ, उवागच्छित्ता • मज्जणघरं अणुपविसइ, अणुपविसित्ता समुत्तजालाकुलाभिरामे विचित्तमणिरणकुट्टिमतले रमणिज्जे पहाणमंडवंसि णाणामणि- रयण भत्तिचित्तंसि पहाणपीढंसि सुहणिसणे सुहोदहिं गंधोदएहिं पुप्फोदएहिं सुद्धोदएहि य पुण्णे कल्लाणगपवरमज्जणविहीए मज्जिए तत्थ कोउयस एहि बहुविहेहिं कल्लाणगपवरमज्जणावसाणे पम्हलसुकुमालगंधकासाइयलू हियंगे सरससुर हिगोसीसचंदणाणुलित्तगत्ते अहयसुमहग्घ दूसरयणसुसंवए सुइमाला - वण्णग- विलेवणे आविद्धमणिसुवण्णे कप्पियहारद्धहार- तिसरय- पालंबलंबमाणकत्तिसुकसोहे पिणद्धगेविज्जगअंगुलिज्जग-ललितंगयल लियकयाभरणे णाणामणिक - गडियथं भयभए अहियरूव सस्सिरीए कुंडलउज्जोइयाणणे मउडदित्तसिरए हारोत्थयसुकयरइयवच्छे पालंबलंबमाणसुकयपडउत्तरिज्जे मुद्दियापिंगलंगुलीए णाणामणिकणगविमल - महरिह - णिउणोवियमिसिमिसेंत विरइयसुसिलिट्ठविसिलसंठिय-पसत्थआविद्धवीरकिं बहुणा : कप्परुक्खए ? 'चेव अलंकियविभूसिए परिंदे सकोरंटमल्लदामेणं छत्तेणं धरिज्जमाणेणं चउचामरवालवीइयंगे मंगलजयसद्दक्यालोए अणेगगणणायग-दंडणायगराईसर-तलवर - माडंबिय - कोडुंबिय - मंति- महामंति- गणग दोवारिय-अमच्च- चेड-पीढमद्दनगर-निगम - सेट्ठि सेणाव इ-सत्थवाह- दूय-संधिवालसद्धि संपरिवुडे धवल - महामेहणिग्गए इव गहगण - दिप्पंत- रिक्ख-तारागणाण मज्झे ससिव्व पियदंसणे णरवई मज्जणघराओ पडिणिक्खमइ, पडिणिक्खमित्ता जेणेव आदंसघरे जेणेव सीहासणे तेणेव उवागच्छइ, उवागच्छित्ता सीहासणवरगए पुरत्थाभिमुहे णिसीयइ, णिसीइत्ता आदंसघरंसि अत्ताणं देहमाणे - देहमाणे चिट्ठइ ॥
वलए,
२२३. तए णं तस्स भरहस्स रण्णो सुभेणं परिणामेणं पसत्थेहि अज्झवसाणेहि
१. रादीसर (आवश्यक चूर्णि पृ० २०८ )
२. सं० पा० – तलवर जाव सत्यवाह । ३. करेमाणे ( अ, क, ब ) ।
४. विसाए ( अ, ब ) ; ° विकट्टए ( क ) ;
गढ (ख, पुवृपा) ।
Jain Education International
५. चूर्णां तु वरमउडाविद्धाए' (शावृ ) । ६. तृतीया लोपः आर्षत्वात् ( शावृ ) ।
७. हतामित्तसत्तु पक्खे ( आवश्यक चूर्णि पृ०२०९ ) । ८. पुव्वकड° (क,स) ।
६. सं० पा०- उवागच्छित्ता जाव ससिव्व ।
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |