Page Text
________________
तइयो वक्खारो
गेण्हइ, गेण्हित्ता ताए उक्किट्ठाए तुरियाए चवलाए जइणाए सीहाए सिग्याए उद्ध्याए दिव्वाए देवगईए वीईवयमाणी-वी ईवयमाणी जेणेव भरहे राया तेणेव उवागच्छइ, उवागच्छित्ता अंतलिक्खपडिवण्णा सखिखिणीयाई पंचवण्णाई वत्थाई पवर परिहिया करयलपरिग्गहियं दसणहं सिरसावत्तं मत्थए अंजलिं कट्ट भरहं रायं जएणं विजएणं वद्धावेइ, वद्धावेत्ता एवं वयासी-- अभिजिए णं देयाणुप्पिएहिं केवलकप्पे भरहे वासे अहण्णं देवाणुप्पियाणं विसयवासिणी अहण्णं देवाणुप्पियाणं आणत्तिकिंकरी, तं पडिच्छंतु णं देवाणुप्पिया ! मम इमं एयारूवं पीइदाणंतिकट्ठ कुंभट्ठसहस्सं रयणचित्तं णाणामणिकणगरयणभत्तिचित्ताणि य दुवे कणगसीहासणाणि य कडगाणि य तुडियाणि य वत्थाणि य आभरणाणि य उवणेइ ॥
१४६. तए णं से भरहे राया गंगाए देवीए इमेयारूवं पीइदाणं पडिच्छइ, पडिच्छित्ता गंगं देवि सक्कारेइ सम्माणेइ, सक्कारेत्ता सम्माणेत्ता पडिविसज्जेइ ।।
१४७. तए णं से भरहे राया पोसहसालाओ पडिणिक्खमइ, पडिणिक्खमित्ता जेणेव मज्जणघरे तेणेव उवागच्छइ, उवागच्छित्ता ण्हाए कयबलिकम्मे जाव' जेणेव भोयणमंडवे तेणेव उवागच्छइ, उवागच्छित्ता भोयणमंडवंसि सुहासणवरगए अट्ठमभत्तं पारेइ, पारेत्ता भोयणमंडवाओ पडिणिक्खमइ, पडिणिक्खमित्ता जेणेव बाहिरिया उवट्ठाणसाला जेणेव सीहासणे तेणेव उवागच्छइ, उवागच्छित्ता सीहासणवरगए पुरत्थाभिमुहे णिसीयइ, णिसीइत्ता अट्ठारस सेणि-प्पसेणीओ सद्दावेइ, सद्दावेत्ता एवं वयासी-खिप्पामेव भो ! देवाणुप्पिया ! उस्सुक्कं उक्करं उक्किठे अदिज्जं अमिज्ज अभडप्पवेसं अदंडकोदंडिम अधरिमं गणियावरणाडइज्जकलियं अणेगतालायराणुचरियं अणुद्धयमुइंग अमिलायमल्लदाम पमुइयपक्कीलिय-सपुरजणजाणवयं विजयवेजइयं गंगाए देवीए अट्ठाहियं महामहिम करेह, करेत्ता मम एयमाणत्तियं पच्चप्पिणह ॥ . १४८. तए णं ताओ अट्ठारस सेणि-प्पसेणीओ भरहेणं रण्णा एवं वुत्ताओ समाणीओ हतुवाओ जाव अट्ठाहियं महामहिमं करेंति, करेत्ता तमाणत्तियं पच्चप्पिणंति ॥
१४६. तए णं से दिव्वे चक्करयणे गंगाए देवीए अट्ठाहियाए महामहिमाए निव्वत्ताए समाणीए आउहघरसालाओ पडिणिक्खमइ, पडिणिक्खमित्ता' अंतलिक्खपडिवण्णे जक्खसहस्ससंपरिपुडे दिव्वतुडियसहसण्णिणादेणं पुरेते चेव अंबरतलं° गंगाए महाणईए पच्चत्थिमिल्लेणं कूलेणं दाहिणदिसि खंडप्पवायगुहाभिमुहे पयाए यावि होत्था॥
१५०. तते णं से भरहे राया तं दिव्वं चक्करयणं गंगाए महाणईए पच्चथिमिल्लेणं कलेणं दाहिणदिसि खंडप्पवायगुहाभिमुहं पयातं चावि पासइ, पासित्ता हट्टतुटु-चित्तमाणंदिए जाव' जेणेव खंडप्पवायगुहा तेणेव उवागच्छइ, उवागच्छित्ता सव्वा कयमालकवत्तव्वया णेयव्वा, णवरि–णट्टमालगे देवे, पीतिदाणं से आलंकारियभंडं कडगाणि य, सेसं सव्वं तहेव जाव' अट्ठाहिया महामहिमा ॥
१५१. तए णं से भरहे राया णट्टमालगस्स देवस्स अट्ठाहियाए महामहिमाए १. जं० ३।२८ ।
३. जं० ३.१५-१८। २. सं० पा०—पडिणिक्खमित्ता जाव गंगाए। ४. जं० ३१६६-७५।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |