Page Text
________________
४४६
जंबुद्दीवपण्णत्ती
भोयणमंडवंसि सुहासणवरगए अट्ठमभत्तं पारेइ जाव' णमि-विणमीणं विज्जाहरराईणं अट्ठाहियमहामहिमं करेंति ।।
१४०. तए णं से दिव्वे चक्करयणे आउहघरसालाओ पडिणिक्खमइ, पडिणिक्खमित्ता' •अंतलिक्खपडिवण्णे जक्खसहस्ससंपरिवुडे दिव्वतुडियसद्दसण्णिणादेणं पूरेंते चेव अंवरतल° उत्तरपुरत्थिमं दिसिं गंगादेवी भवणाभिमुहे पयाए यावि होत्या।
१४१. "तए णं से भरहे राया तं दिव्वं चक्करयणं उत्तरपुरथिमं दिसिं गंगादेवीभवणाभिमुहं पयातं पासइ, पासित्ता हट्टतुट्ठ-चित्तमाणदिए तहेव जाव जेणेव गंगाए देवीए भवणं तेणेव उवागच्छइ, उवागच्छित्ता गंगाए देवीए भवणस्स अदूरसामंते दुवालसजोयणायाम णवजोयणविच्छिण्णं वरणगरसरिच्छं विजयखंधावारणिवेसं करेइ, करेत्ता वड्डइरयणं सद्दावेइ सद्दावेता एवं वयासी-खिप्पामेव भो देवाणुप्पिया ! मम आवासं पोसहसालं च करेहि, करेत्ता ममेयमाणत्तियं पच्चप्पिणाहि ।।
१४२. तए णं से वड्डइरयणे भरहेणं रण्णा एवं वुत्ते समाणे हट्टतुट्ठ-चित्तमाणंदिए नंदिए पीइमणे परमसोमणस्सिए हरिसवसविसप्पमाणहियए करयलपरिग्गहियं सिरसावत्तं मत्थए अंजलि कटु एवं सामी ! तहत्ति आणाए विणएणं वयणं पडिसुणेइ, पडिसुणेत्ता भरहस्स रण्णो आवसहं पोसहसालं च करेइ, करेत्ता एयमाणत्तियं खिप्पामेव पच्चप्पिणति ॥
१४३. तए णं से भरहे राया आभिसेक्काओ हत्थिरयणाओ पच्चोरुहइ, पच्चोरुहित्ता जेणेव पोसहसालं तेणेव उवागच्छइ, उवागच्छित्ता पोसहसालं अणुपविसइ अणुपविसित्ता पोसहसालं पमज्जइ, पमज्जित्ता दब्भसंथारगं संथरइ, संथरित्ता दब्भसंथारगं दुरुहइ, दुरुहित्ता गंगाए देवीए अट्रमभत्तं पगिण्हइ, पगिण्हित्ता पोसहसालाए पोसहिए बंभयारी उम्मक्कमणिसुवण्णे ववगयमालावण्णगविलेवणे णिक्खित्तसत्थमुसले दब्भसंथारोवगए अट्ठमभत्तिए गंगादेवि मणसीकरेमाणे-मणसीकरेमाणे चिट्ठइ ॥
१४४. तए णं तस्स भरहस्स रण्णो अट्ठमभत्तंसि परिणममाणंसि गंगाए देवीए आसणं चलइ।।
१४५. तए णं सा गंगा देवी आसणं चलियं पासइ, पासित्ता ओहिं पउंजइ, पउंजित्ता भरहं रायं ओहिणा आभोएइ. आभोएत्ता इमे एयारूवे अज्झथिए चितिए पत्थिए मणोगए संकप्पे समुप्पज्जित्था- उप्पन्ने खलु भो! जंबुद्दीवे दीवे भरहे वासे भरहे णामं राया चाउरंतचक्कवटी, तं जीयमेयं तीयपच्चप्पन्नमणागयाणं गंगाणं देवीणं भरहाणं राईणं उवत्थाणियं करेत्तए, तं गच्छामि णं अहंपि भरहस्स रण्णो उवत्थाणियं करेमित्तिकट्ट कुंभट्ठसहस्सं रयणचित्तं णाणामणिकणगरयणभत्तिचित्ताणि य दुवे कणगसीहासणाणि य कडगाणि य तुडियाणि य वत्थाणि य आभरणाणि य १. जं० ३।२८, २६ ।
कभदसहस्सं रयणचित्तं णाणामणिकणगरयण. २.सं० पा०---पडिणिक्खमित्ता जाव उत्तरपुर- भत्तिचित्ताणि य दुवे कणगसीहासणाइं सेसं तं स्थिमं।
चेव जाव महिमत्ति। ३. सा चेव (क, ख, त्रि, स); सं० पा०- ४. जं° ३॥१५-१८ । सच्चेव सव्वा सिंधुवत्तव्वया जाव णवरं
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |