Page Text
________________
तइओ वक्खारो
दुरुहंति, दुरुहित्ता अट्ठमभत्ताइं पगिण्हंति, पगिण्हित्ता वालुयासंथारोवगया उत्ताणगा अवसणा अट्ठमभत्तिया जे तेसिं कुलदेवया मेहमुहा णामं णागकुमारा देवा ते मणसीकरेमाणामणसीकरेमाणा चिट्ठति ॥
११२. तए णं तेसिमावाडचिलायाणं अट्ठमभत्तंसि परिणममाणंसि मेहमुहाणं णागकुमाराणं आसणाई चलति ।।
११३. तए णं ते मेहमुहा णागकुमारा देवा आसणाई चलियाइं पासंति, पासित्ता ओहिं पउंजंति, पउंजित्ता आवाडचिलाए ओहिणा आभोएंति, आभोएत्ता अण्णमण्णं सद्दावेंति, सहावेत्ता एवं वयासी-एवं खलु देवाणुप्पिया ! जंबुद्दीवे दीवे उत्तरड्डभरहे वासे आवाडचिलाया सिंधए महाणईए वालुयासंथारोवगया उत्ताणगा अवसणा अट्ठमभत्तिया अम्हे कुलदेवए मेहमहे णागकमारे देवे मणसीकरेमाणा-मणसीकरेमाणा चिटठंति, तं सेयं खल देवाणुप्पिया ! अम्हं आवाडचिलायाणं अंतिए पाउब्भवित्तएत्तिकटु अण्णमण्णस्स अंतिए एयमठें पडिसुणेति, पडिसुणेत्ता ताए उक्किट्ठाए तुरियाए' 'चवलाए जइणाए सीहाए सिग्याए उद्धयाए दिव्वाए देवगईए° वीतिवयमाणा-वीतिवयमाणा जेणेव जंबुद्दीवे दीवे उत्तरड्वभरहे वासे जेणेव सिंधू महाणई जेणेव आवाडचिलाया तेणेव उवागच्छंति, उवागच्छित्ता अंतलिक्खपडिवण्णा सखिखिणियाइं पंचवण्णाई वत्थाई पवर परिहिया ते आवाडचिलाए एवं वयासी-हं भो आवाडचिलाया ! जण्णं तुब्भे देवाणु प्पिया ! वालुयासंथारोवगया उत्ताणगा अवसणा अट्ठमभत्तिया अम्हे कुलदेवए मेहमुहे णागकुमारे देवे मणसीकरेमाणा-मणसीकरेमाणा चिट्ठह, तए णं अम्हे मेहमुहा णागकुमारा देवा तुभं कुलदेवया तुम्हें अंतियण्णं पाउब्भूया, तं वदह णं देवाणुप्पिया ! कि करेमो? किं आचिट्ठामो ? के व भे मणसाइए ?॥
११४. तए णं ते आवाड चिलाया मेहमुहाणं णागकुमाराणं देवाणं अंतिए एयम सोच्चा णिसम्म हट्टतुटु-चित्तमाणंदिया' 'नंदिया पीइमणा परमसोमणस्सिया हरिसवसविसप्पमाण° हियया उट्ठाए उठेति, उठेत्ता जेणेव मेहमुहा णागकुमारा देवा तेणेव उवागच्छंति, उवागच्छित्ता करयलपरिग्गहियं 'सिरसावत्तं मत्थए अंजलि कट्ट मेहमहे णागकुमारे देवे जएणं विजएणं वद्धावेंति, वद्धावेत्ता एवं वयासी-एस णं देवाणु प्पिया ! केइ अपत्थियपत्थए दुरंतपंतलक्खणे 'हीणपुण्णचाउद्दसे° हरिसिरिपरिवज्जिए, जे णं अम्हं विसयस्स 'उरि विरिएणं" हव्वमागच्छइ, तं तहा णं छत्तेह देवाणुप्पिया ! जहा णं एस अम्हं विसयस्स 'उवरि विरिएणं" णो हव्वमागच्छइ ।।।
११५. तए णं ते मेहमुहा णागकुमारा देवा ते आवाडचिलाए एवं वयासी-एस णं भो देवाणुप्पिया ! भरहे णामं राया चाउरंतचक्कवट्टी महिड्ढीए महज्जुईए 'महाबले महायसे' महासोक्खे महाणुभागे णो खलु एस सक्को केणइ देवेण वा दाणवेण वा
१. सं०पा०—तुरियाए जाव वीतिवयमाणा। २. सं०पा०---हतचित्तमाणंदिया जाव हियया। ३. सं० पा०.-करयलपरिग्गहियं जाव मत्थए। ४. सं०पा०-दुरंतपंतलक्खणे जाव हिरिसिरि ।
५, ६. अवर वरिएण (अ, क, ख, त्रि, ब)। ७. सं०पा०-महज्जूईए जाव महासोक्खे । ८. महासक्खे (अ, क, त्रि, ब, आवश्यकर्णि पृ०
१६६); महेसक्खे (पुत्पा)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |