Page Text
________________
तइओ वक्खारो
६७. तीसे णं तिमिसगुहाए बहुमज्झदेसभाए, एत्थ णं 'उम्मुग्ग-णिमुग्गजलाओ" णामं दुवे महाणईओ पण्णत्ताओ, जाओ णं तिमिसगुहाए पुरथिमिल्लाओ भित्तिकडगाओ पवूढाओ समाणीओ पच्चत्थिमेणं सिंधुं महाणइं समप्पेंति ।।
६८. से केणठेणं भंते ! एवं बुच्चइ-उम्मुग्ग-णिमुग्गजलाओ महाणईओ ? गोयमा ! जण्णं उम्मुग्गजलाए महाणईए तणं वा पत्तं वा कळं वा सक्करा वा आसे वा हत्थी वा रहे वा जोहे वा मणुस्से वा पविखप्पइ', तण्णं उम्मुग्गजला महाणई तिवखुत्तो आहुणियआहुणिय एगंते थलं सि एडेइ। जण्णं णिमुग्गजलाए महाण ईए तणं वा पत्तं वा कळं वा सक्करा वा आसे वा हत्थी वा रहे वा जोहे वा मणुस्से वा पक्खिप्पइ, तण्ण णिमुग्गजला महाणई तिक्खुत्तो आहुणिय-आहुणिय अंतो जलंसि णिमज्जावेइ। से तेणठेणं गोयमा ! एवं वुच्चइ-उम्मुग्गणिमुग्गजलाओ महाणईओ॥
६. तए णं से भरहे राया चक्करयणदेसियमग्गे अणेगरायवरसहस्साणुयायमग्गे महया उक्किट्टिसीहणाय बोलकलकलरवेणं पक्खुभियमहासमुद्दरवभूयंपिव' करेमाणे-करेमाणे सिंधूए महाणईए 'पुरथिमिल्लेणं कूलेणं" जेणेव उम्मुग्गणिमुग्गजलाओ महाणईओ तेणेव उवागच्छइ, उवागच्छित्ता वड्डइरयणं सद्दावेइ, सद्दावेत्ता एवं वयासी-खिप्पामेव भो देवाणुप्पिया ! उम्मुग्गणिमुग्गजलासु महाणईसु अणेगखंभसयसण्णिविठे अचलमकंपे अभेज्जकवए सालंबणबाहाए सव्वरयणामए सुहसंकमे करेहि, करेत्ता मम एयमाणत्तियं खिप्पामेव पच्चप्पिणाहि ॥
१००. तए णं से वड्डइरयणे भरहेणं रण्णा एवं वुत्ते समाणे हट्ठतुट्ठ-चित्तमाणंदिए" 'नंदिए पीइमणे परमसोमणस्सिए हरिसवसविसप्पमाणहियए करयलपरिग्गहियं सिरसावत्तं मत्थए अंजलिं कट्ट एवं सामो ! तहत्ति आणाए° विणएणं वयणं पडिसुणेइ, पडिसुणेत्ता खिप्पामेव उम्मुग्गणिमुग्गजलासु महाणईसु अणेगखंभसयसण्णिविट्ठे 'अचलमकंपे अभेज्जकवए सालंबणबाहाए सव्वरयणामए° सुहसंकमे करेइ, करेत्ता जेणेव भरहे राया तेणेव उवागच्छइ, उवागच्छित्ता एयमाणत्तिय पच्चप्पिणइ ।।
१०१. तए णं से भरहे राया सखंधावारबले उम्मुग्गणिमुग्गजलाओ महाणईओ तेहिं अणेगखंभसयसण्णिविठेहिं 'अचलमकंपेहि अभेज्जकवएहि सालंवणवाहाएहि सव्वरयणामएहिं सुहसंकमेहिं उत्तरइ ॥
१०२. तए णं तीसे तिमिसगुहाए उत्तरिल्लस्स दुवारस्स कवाडा सयमेव महया-महया कोंचारवं करेमाणा सरसरस्स सगाई" सगाईठाणाई पच्चोसक्कित्था ।।
१०३. तेणं कालेणं तेणं समएणं उत्तरड्डभरहे वासे बहवे आवाडा णामं चिलाया १. उम्मग्गणिम्मग्ग (प) ; उम्मग्गणिमग्ग (स)। ७. सं०पा०–हट्टतुट्ठचित्तमाणंदिए जाव विणएणं । २. x (अ,क,ख,त्रि,ब,स,पुवृ,हीवृ) ।
८. सं० पा०-अणेगखंभसयसण्णिविठे जाव सुह३. परिक्खिप्पति (ख.त्रि); पक्खिपति (पु); संको। पक्खिप्पति (पुवपा)।
६. उवागच्छित्ता जाव (अ,क,ख,त्रि,प,ब,स)। ४.सं० पा०-सक्करा वा जाव मणस्से। १०. सं० पा०--अणेगखंभसयसण्णिविटठेहिं जाव ५. सं० पा०-उक्किट्ठिसीहणाय जाव करेमाणे। सुहसंकमेहि। ६. उभयत्रापि 'ण' शब्दो वाक्यालङ्कारे (शावृ)। ११. साइं (क,ख,)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |